დღეიდან სოხუმში ზომიერი პანდემიის (ჰონგკონგის გრიპის) საწინააღმდეგო ვაქცინაცია იწყება. ამის შესახებ სოხუმის ბავშვთა პოლიკლინიკის მთავარმა ექიმმა, ადა აბუხბამ განაცხადა.

„ჯანდაცვის სამინისტროდან მივიღეთ ვაქცინა „გრიპოლ +", რომლის შემდგენლობაში მიმდინარე წელს მოსალოდნელი ვირუსების ანტიგენი შედის. ამ კვირას სკოლებსა და სკოლამდელ დაწესებულებებში საყოველთაო ვაქცინაციას შევუდგებით", - აღნიშნა სპეციალისტმა.

მასობრივი ვაქცინაცია აფხაზეთში დეკემბრის შუა რიცხვებამდე გაგრძელდება.