სურსათის ეროვნული სააგენტო მავნებელის წინააღმდეგ, ამერიკელი ექსპერტების რჩევით კონტაქტურ შეწამვლას იწყებს. შეიქმნება საგანგებო შტაბი, რომელშიც სოფლის მეურნეობის სამინისტროს წარმომადგენლებთან ერთად, სამეგრელო-ზემო სვანეთში სახელმწიფო რწმუნებულის - გუბერნატორის ადმინისტრაციის და რეგიონში შემავალი მუნიციპალიტეტების წარმომადგენლები შევლენ.

სამოქმედო გეგმა სურსათის ეროვნული სააგენტოს უფროსმა ზურაბ ჩეკურაშვილმა, სამეგრელო-ზემო სვანეთის გუბერნატორის მოადგილე დავით კოდუასთან ერთად, რეგიონის გამგებლებს და სოფლის მეურნეობის სამსახურის უფროსებს გააცნო.

ხეშეშფრთიანი ბაღლინჯო რეგიონში გასულ წელს გავრცელდა, მან ძირითადად თხილის, მარცვლეულის და ხეხილის მოსავალი გაანადგურა. სპეციალისტების განმარტებით, მწერი საქართველოში სოჭიდან გავრცელდა.