ზუგდიდში მასწავლებელთა გადამზადება გრძელდება (ვიდეო)
15:51 / 18.02.2017
ზუგდიდში ზოგადპროფესიულ უნარებში მასწავლებელთა
გადამზადების მეორე ეტაპი მიმდინარეობს.
ტრენინგები მეოთხე საჯარო სკოლაში ტარდება და მასში
VII-XII კლასის მათემატიკის, ქიმიის, ფიზიკის, ბიოლოგიის, გეოგრაფიისა
და ინგლისურის ენის მასწავლებლები მონაწილეობენ. საგანმანათლებლო
რესურსცენტრის ხელმძღვანელის კახაბერ ფარცვანიას ინფორმაციით,
სასწავლო კურსს რეგიონის მასშტაბით 1000-მდე პედაგოგი გაივლის.
„ამ პროექტის ძირითადი მიზანია, მოსწავლეზე ორიენტირებული სწავლა.
ტრენინგი მონაწილეებს სასწავლო პროცესის სწორად განსაზღვრასა და
ფორმულირებაში დაეხმარება“, - აღნიშნა ფარცვანიამ.
მასწავლებელთა გადამზადების პროექტი ”ათასწლეულის გამოწვევის ფონდი -
საქართველოს“ მიერ არის დაფინასებული. ის ათასწლეულის გამოწვევის
კორპორაციის, სსიპ მასწავლებელთა პროფესიული განვითარების ეროვნული
ცენტრის, საერთაშორისო საკონსულტაციო კომპანია IREX- ის ექსპერტული
მხარდაჭერითა და განათლებისა და მეცნიერების სამინისტროსთან
თანამშრომლობით ხორციელდება.
მასალის გამოყენების პირობები