ზუგდიდში სტუდენტებმა, ადგილობრივი ხელისუფლებისა და პოლიტიკური
პარტიების წარმომადგენლებმა 9 აპრილის მემორიალი ყვავილებით შეამკეს
და დაღუპულთა ხსოვნას პატივი
მიაგეს. ვლაქერნის ღვთისმშობლის ხატის სახელობის ტაძრის
დეკანოზმა მამა მალხაზ ჭანტურიამ დაღუპულთა სულის მოსახსენიებელი
პანაშვიდი გადაიხადა. მოსწავლე-ახალგაზრდობის სასახლის ბავშვებმა
კი "შავლეგო" იმღერეს.
"ამ გმირების თავდადებამ მოიტანა საქართველო დამოუკიდებლობა. ასეთი
გმირების ხსოვნაზე დგას ქვეყნის მომავალი", - აღნიშნა
ქალაქის მერმა ირაკლი გოგოხიამ.
9 აპრილის ტრაგედიიდან დღეს 28 წელი გავიდა. საქართველოს
დამოუკიდებლობის მოთხოვნით 1989 წლის 4 აპრილს დაწყებული საპროტესტო
აქცია საბჭოთა კავშირის შეიარაღებული ძალების მიერ სასტიკი დარბევით
დასრულდა. დარბევას 21 ადამიანის სიცოცხლე შეეწირა, ხოლო ათასობით
ადამიანი დაშავდა.
მასალის გამოყენების პირობები