გიორგი თოდუა დეპუტატებს: დამშვიდდით, მეგობრებად ვრჩებით, ახლა კი მიიღეთ გადაწყვეტილება (ვიდეო)
14:46 / 26.04.2017
საკრებულოს თავმჯდომარის უკვე ყოფილმა მოადგილემ გიორგი თოდუამ
დეპუატატებს კენჭისყრამდე სიტყვით
მიმართა და მათ სიმშვიდისკენ მოუწოდა. მისი თქმით, მან იცის, თუ ვინ
მიიღო მისი გადაყენების შესახებ გადაწყვეტილება და დეპუტატებს
სანერვიულო არაფერი აქვთ, ისინი მეგობრებად რჩებიან.
„ყველას ძალიან კარგად გიცნობთ და ვიცი, რომ ეს თქვენი გადაწყვეტილება
არ ყოფილა, ვიცი, რომ ეს არ გინდათ, ჩემო მეგობრებო, არ ინერვიულოთ,
მე ვიცი, რომ ეს არის ორი ადამიანის ახირება. ცხოვრება გრძელდება,
მითუმეტეს - პოლიტიკური, ახლა გთხოვთ, მიიღეთ გადაწყვეტილება“, -
აღნიშნა გიორგი თოდუამ.
ქალაქ ზუგდიდის საკრებულოს წევრებმა ხმათა უმრავლესობით საკრებულოს
თავმჯდომარის მოადგილე გიორგი თოდუა თანამდებობიდან გადააყენეს.
აღნიშნულ საკითხს მხარი 8 დეპუტატმა დაუჭირა, ორი წინააღმდეგ
წავიდა.
მასალის გამოყენების პირობები