რეგიონი
„მეგრული ენის დღე“ და მეგრულ ენაზე გამართული შეხვედრა ART გალერეაში (ვიდეო)
მოძრაობა ,,სამეგრელოს’’ ორგანიზებით, ზუგდიდის ART გალერეაში „მეგრული ენის დღე“ აღნიშნეს. ღონისძიებას, რომელიც მეგრულ ენაზე წარიმართა, პოეტები, მწერლები და ადგილობრივი ხელისუფლების წარმომადგენლები დაესწრნენ. შეხვედრის მონაწილეებმა მეგრული ენის გაქრობის საფრთხეებზე ისაუბრეს.

მოძრაობა ,,სამეგრელოს’’ ხელმძღვანელი ზურაბ კვარაცხელია მიიჩნევს, რომ მეგრული ენის შესაძლო გაქრობის მთავარი მიზეზი ისაა, რომ ახალგაზრდები არ საუბრობენ მეგრულ ენაზე, რადგან ოჯახებსა და სკოლებში ამ ენაზე არ ესაუბრებიან. მისივე თქმით, ხელისუფლებამ ყველა ღონე უნდა იხმაროს გაქრობის პირას არსებული ენების გადასარჩენად.

"ჩვენ არაერთხელ მივმართეთ ხელისუფლებას თხოვნით, რომ შექმნილიყო ქართველურ ენათა დაცვის სახელმწიფო დეპარტამენტი, რომელიც, თავის მხრივ, სპეციალურ კომისიას შექმნიდა და ენის გადარჩენის პროგრამას შეიმუშავებდა. სამწუხაროდ, ხელისუფლების მხრიდან ამ მიმართულებით არცერთი ნაბიჯი არ გადადგმულა“,- განაცხადა ზურაბ კვარაცხელიამ.

შეხვედრაზე გერმანიიდან ამ დღისთვის სპეციალურად ჩამოსულმა წარმოშობით ლაზმა მაჰირ ილდიზმა მეგრელების და ლაზების ურთიერთობების აღდგენის აუცილებლობაზე გაამახვილა ყურადღება.

,,ლაზური ენის მსგავსად მეგრულ ენაშიც ვხედავ გაქრობის საშიშროებას. მართალია ახალგაზრდები საუბრობენ მეგრულად, მაგრამ ჩვენ უნდა ვიფიქროთ, თუ რა შეიძლება მოხდეს 30-50 წლის შემდეგ. მე ვფიქრობ, რომ შეიძლება მეგრული ენაც გაქრეს, იმისათვის, რომ ეს თავიდან ავიცილოთ, ჩვენ ერთად უნდა ვიფიქროთ გამოსავალზე'',- აღნიშნა მაჰირ ილდიზმა.

გარდა ამისა, აღნიშნულ ღონისძიებაზე მეგრული სიმღერები შესრულდა და მეგრული ლექსები წაიკითხეს.

ცნობისთვის, მოძრაობა „სამეგრელო“ „მეგრული ენის დღეს“ 2013 წლიდან აღნიშნავს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 14 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.