რეგიონი
"ტყის ძმების" ყოფილი მეთაური შესაძლოა ახალ საზოგადოებრივ მოძრაობაში ჩაერთოს (ვიდეო)
ზუგდიდში დემოკრატიული ჩართულობის ცენტრში აფხაზეთიდან დევნილებმა ახალი საზოგადოებრივი მოძრაობის " აფხაზეთის" დაფუძნება დაანონსეს. მათი თქმით, მოძრაობაში დევნილებთან ერთად ყველა ის პირი იქნება გაერთიანებული, ვინც იძულებით გადაადგილებული პირების პრობლემებითა და საჭიროებებით დაინტერესდება.

ჟურნალისტების კითხვაზე, იქნება თუ არა დათო შენგელია მოძრაობის წევრი, გაერთიანების საინიციატივო ჯგუფის წევრებმა აღნიშნეს, რომ მოძრაობის ლიდერობის ან წევრობის პრეტენზია "ტყის ძმების" ყოფილ მეთაურს არ აქვს, თუმცა, რადიო "ათინათის" კითხვაზე, იმოქმედებს თუ არა შენგელია აღნიშნული გაერთიანების ფარგლებში, პასუხობენ, რომ ის აუცილებლად სხვებთან ერთად ჩაერთვება "აფხაზეთის" საქმიანობაში.



საინიციატივო ჯგუფის წევრების განმარტებით, შენგელია გაერთიანების ფორმირების პროცესში მათთან ერთად მონაწილეობდა, რადგან მათ საერთო პრობლემები და მიზნები აქვთ.

"ჩვენთვის დათო შენგელია არ არის ფენომენი, ის არის დევნილი. ის, შესაძლოა, არც მოხვდეს მოძრაობის გამგეობაში. ძალიან გთხოვთ, ამ სიტყვებს არც არაფერი დაუმატოთ და არ მოაკლოთ", - უთხრა ჟურნალისტებს საინიციატივო ჯგუფის ერთ-ერთმა წევრმა რამინ საჯაიამ.

საზოგადოებრივი მოძრაობა "აფხაზეთის" პირველი ყრილობა შაბათს, კულტურის ცენტრ "ოდიშში" გაიმართება. ამავე დღეს გახდება ცნობილი გაერთიანების გამგეობის წევრების ვინაობაც. საზოგადოებრივი ორგანიზაციის მთავარი მოთხოვნები იძულებით გადაადგილებულ პირთათვის დახმარების თანხის გაზრდას, დევნილი სტუდენტებისთვის უნივერსიტეტებში უფასო სწავლებასა და ზოგადად, დევნილების სოციალური და ეკონომიკური პირობების გაუმჯობესებას ითვალისწინებს.

ცნობისთვის, პარტიზანული დაჯგუფება "ტყის ძმების" მეთაური დავით შენგელია, რომელიც 1990-2000 წლებში აფხაზეთის ტერიტორიაზე მოქმედებდა, 2004 წლის დასაწყისში დააპატიმრეს. მას 24 წლით თავისუფლების აღკვეთა ჰქონდა მისჯილი, თუმცა საპატიმრო 6 წლის შემდეგ - 2010 წელს დატოვა. ოფიციალურ მიზეზად ჯანმრთელობის გაუარესება დასახელდა. ბრალდების მხარე შენგელიას განსაკუთრებით დიდი რაოდენობით ნარკოტიკული ნივთიერების შენახვასა და გავრცელებას ედავებოდა.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 20 °C
img
ფოთი 18 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.