ზუგდიდის მუნიციპალიტეტის ა(ა)იპ ,,ზუგდიდდასუფთავების ცენტრმა" ყველაზე სუფთა სოფლის, ქუჩისა და ეზოს გამოსავლენად კონკურსი „სუფთა რეგიონის“ ფარგლებში დაიწყო.



ფოტო: ზუგდიდის მუნიციპალიტეტი

გამგეობაში ამასთან დაკავშირებით სხდომაც გაიმართა, სადაც კომისიის წევრებს კონკურსის მიმდინარეობის შესახებ ინფორმაცია ,,ზუგდიდდასუფთავების ცენტრი -" ს დირექტორმა ნუგზარ მალაშხიამ მიაწოდა. მან ყველაზე სუფთა სოფლების, ქუჩებისა და ეზოების ჩამონათვალი და ფოტომასალა წარადგინა.

გამგეობის ინფორმაციით, ამ ეტაპისთვის ზუგდიდის მუნიციპალიტეტის 6 ადმინისტრაციული ერთეული, 6 ქუჩა და 10 საცხოვრებელი სახლის ეზო გამოვლინდა.



ფოტო: ზუგდიდის მუნიციპალიტეტი

კონკურსი, რომელიც საქართველოს მწვანეთა მოძრაობა/დედამიწის მეგობრები - საქართველომ გამოაცხადა და ბუნებრივი რესურსების დაცვის სამინისტროს მხარდაჭერით ხორციელდება, მიმდინარე წლის სექტემბერში დასრულდება.