რეგიონი
თხილის მწარმოებელთა ასოციაციამ ორსანტიელ ფერმერებს მავნებლის შესაწამლი აპარატი გადასცა (ვიდეო)
საქართველოს თხილის მწარმოებელთა ასოციაციამ დღეს სოფელ ორსანტიაში წევრ ფერმერებს აზიური ფაროსანას წინააღმდეგ შესაწამლი მოწყობილობა უსასყიდლოდ გადასცა. აპარატები ადგილზე დღეს ასოციაციის აღმასრულებელმა დირექტორმა გიორგი თოდუამ და მთავარმა აგრონომმა ჩაიტანეს. 



„ჩვენ "ფერეროსა" და USAID-ის მხარდაჭერით ასოციაციის წევრ ფერმერებს მაღალი ეფექტურობის აპარატები დავურიგეთ. გარდა იმისა, რომ ვეხმარებით მავნებელთან ბრძოლაში, ასოციაცია დამწყებ და უკვე გამოცდილ ფერმერებსაც უწევს სხვადასხვა სახის მომსახურებას",- აღნიშნა თოდუამ.




თხილის მწარმოებელთა ასოციაციის მთავარმა აგრონომმა ორსანტიელი ფერმერების კითხვებს უპასუხა და მათ შესაბამისი რჩევებიც მისცა.

„ჩვენ ვურჩევთ ფერმერებს, რომ წამლობა ჩაატარონ კომბინირებული ნაზავებით, რომ ერთი შრომითი დანახარჯით უფრო დიდ ეფექტს მივაღწიოთ. რაც შეეხება შეწამლვის ვადებს, ეს დაგვიანებული არ არის. კლიმატიდან გამომდინარე, წამლობის დაწყება სწორედ ახლაა ეფექტური, თუმცა, რაც შეიძლება, შემჭიდროებულ ვადებში“, - თქვა რევაზ შონიამ.




ადგილობრივმა ფერმერებმა თხილის მწარმოებელთა ასოციაციის წევრებს მადლობა გადაუხადეს. მათი განმარტებით, თხილის მავნებლის პრობლემა სოფელში, უკვე რამდენიმე წელია, არსებობს და მათ საკუთარი ძალებით პლანტაციების შეწამლვა არ შეეძლოთ.




„სამი წელიწადია, ვწვალობთ. მადლობლები ვართ ასოციაციის, რომ მოგვიტანეს შესაწამლი მოწყობილობა. საკუთარი ძალებით ჩვენ შეწამლვას ვერ მოვახერხებდით“, - აღნიშნა ერთ-ერთმა ფერმერმა გენადი ხაზალიამ.



ორსანტიის გარდა, თხილის მწარმოებელთა ასოცაიციის წევრ ფერმერებს შესაწამლი აპარატები და შესაბამისი აღჭურვილობა ზუგდიდის, ჩხოროწყუსა და წალენჯიხის მუნიციპალიტეტებშიც გადაეცემათ.



პარალელურად, აზიური ფაროსანას წინააღმდეგ შეწამლვა ზუგდიდის მუნიციპალიტეტის მასშტაბით დღეს დაიწყო. ორსანტიელ ფერმერებს მუნიციპალიტეტის გამგებელი ლაშა გოგია და ადგილობრივი ხელისუფლების წარმომადგენლებიც შეხვდნენ და მავნებლის წინააღმდეგ დაგეგმილი სამუშაოებზე ინფორმაცია მიაწოდეს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 11 °C
img
ფოთი 16 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.