ზუგდიდში ჰაერის ტემპერატურის მკვეთრი დაცემა და წვიმაა მოსალოდნელი. ამის შესახებ რადიო „ათინათს“ გარემოს ეროვნულ სააგენტოში განუცხადეს. მოკლევადიანი პროგნოზირების განყოფილების უფროსის, დოდო გვაზავას ცნობით, დღეს საღამოდან დაწყებული წვიმა 4 დღის განმავლობაში, სხვადასხვა ინტენსივობით გაგრძელდება.

„ჰაერის ტემპერატურა 10°-ით დაეცემა. ხვალ უკვე 27° იქნება. ამასთან, გაძლიერდება დასავლეთის ქარი. 6-ში ნალექი, შესაძლოა, შეწყდეს, თუმცა გრილი და არამდგრადი ამინდი 8 ივლისამდეა მოსალოდნელი“- აღნიშნა გვაზავამ.

დასავლეთ საქართველოში ჰაერის მაქსიმალურმა ტემპერატურამ ბოლო ორი დღის განმავლობაში 38-40°-ს მიაღწია.

ამავე თემაზე:

დასავლეთ საქართველოში ტემპერატურამ შესაძლოა 40°- მდე მოიმატოს

ჯანდაცვის სამინისტრო მოქალაქეებს მაღალი ტემპერატურის დროს რეკომენდაციებს სთავაზობს