ასოციაცია „ათინათში“ საზაფხულო სკოლა დაიწყო (ვიდეო)
16:36 / 10.07.2017
ასოციაცია „ათინათში“ ორკვირიანი
საზაფხულო სკოლა დაიწყო. 14 დღის განმავლობაში 26 მოსწავლისთვის
სხვადასხვა შემეცნებითი და გასართობი
აქტივობაა დაგეგმილი. საზაფხულო სკოლაში 9-დან 12- წლამდე ასაკის
ბავშვები იღებენ მონაწილეობას.
„ბავშვებმა შეავსეს სპეციალური აპლიკაციები ზოგადი კითხვებითა და
ინგლისური ენის ცოდნის შესახებ. გარდა ინგლისური ნაწილისა, საზაფხულო
სკოლა გულისხმობს პროგრამა „ფლატუნს“ - ბავშვის სოციალურ და ფინანსურ
განათლებას, რომლის მიხედვითაც ბავშვები სწავლობენ რესურსებისა და
თანხის სწორ გამოყენებას“, - აღნიშნა საზაფხულო სკოლის ტრენერმა
სალომე გარდავამ.
საზაფხულო სკოლა დღეს დაიწყო და 21 ივლისის ჩათვლით გაგრძელდება.
მოსწავლეები სკოლაში დილის 10-დან 14 საათამდე ივლიან. ასოციაცია
„ათინათი“ საზაფხულო სკოლას მეხუთე წელია
ატარებს.
მასალის გამოყენების პირობები