ანაკლიაში პირველი ბიზნეს ფესტივალი "ანაკლიობა" დღეს
გაიხსნება. გახსნის ცერემონია ანაკლიის ცენტრალურ ბულვარში 17:00
საათზე დაიწყება.
გახსნას დიპლომატიური მისიების, მთავრობის და პარლამენტის
წარმომადგენლები დაესწრებიან. ფესტივალში ბიზნესმენებთან ერთად
მონაწილეობას ადგილობრივი მოსახლეობაც მიიღებს. ფესტივალის
განმავლობაში მსოფლიოს სხვადასხვა ქვეყნიდან ჩამოსულ სტუმრებს 50-მდე
კომპანია საკუთარ პროდუქტსა და მომსახურებას შესთავაზებს.
ორგანიზატორების ინფორმაციით ანაკლიის ფესტივალი მიზნად ისახავს
ოკუპირებული აფხაზეთის ტერიტორიის მახლობლად მცხოვრები
ადამიანებისთვის სამუშაო ადგილების და შემოსავლების გაზრდას.
ბიზნესფესტივალი 12 ივლისს გაიხსნება და 4 დღის განმავლობაში
გაგრძელდება.
მასალის გამოყენების პირობები