ზუგდიდში, ინგირის აეროპორტის ტერიტორიაზე 5 და 6 აგვისტოს ავტო-მოტო
შეჯიბრი გაიმართება. სამხარეო ადმინისტრაციის ცნობით,
მონაწილეები ერთმანეთს ავტო-მოტო დრაგში შეეჯიბრებიან, ასევე
გაიმართება „დრიფტ შოუ“. ღონისძიებაზე დასწრება თავისუფალი
იქნება.
შეჯიბრში მონაწილეობას ავტო და მოტო მოყვარულები საქართველოს ყველა
კუთხიდან მიიღებენ. შეჯიბრებებში გამარჯვებულები სხვადასხვა
კატეგორიაში გამოვლინდებიან. ღონისძიებას მუსიკალურად, ცნობილი DJ-ები
გააფორმებენ.
რეგიონში ორდღიანი ავტო-მოტო შეჯიბრი „Western Drivers Club
სამეგრელოს“ ორგანიზებით, სამეგრელო-ზემო სვანეთის გუბერნატორის
ადმინისტრაციის პატრონაჟითა და რეგიონის მუნიციპალიტეტების
მხარდაჭერით ტარდება.
მასშტაბური ავტო-მოტო შეჯიბრი სამეგრელოში მესამე წელია იმართება.
ღონისძიების სპონსორები არიან: ანაკლიის განვითარების კონსორციუმი,
ვისოლი და თეგეტა მოტორსი. საინფორმაციო პარტნიორები: სპორტული რადიო
„ჯაკო“, რადიო
„ათინათი“, Newsportal.ge,
SMOTV, SmoNews და Zugdidelebi.ge
მასალის გამოყენების პირობები