ახალი ამბები
ზედა ეწერის გამგებელი: მოსახლეობას გზის პრობლემა მოუგვარდება (ვიდეო)
ზედა ეწერში გამგებლის წარმომადგენელი ირაკლი თორდია ე.წ. სვანეთის უბნის მცხოვრებლებს სამარშუტო ტაქსის დაყენებასა და გზის მოხრეშვას დაპირდა, რათა მათ ცენტრალურ საავტომობილო გზამდე ფეხით კილომეტრზე მეტი მანძილის გავლა არ მოუწიოთ. ამის შესახებ მან ხერგიანი ქუჩის მოსახლეობას დღეს უთხრა.

„გარკვეული ოჯახებიდან იყო პრეტენზია გზასთან დაკავშირებით. კონსულტაციები გავიარე მუნიციპალიტეტთან და გადაწყდა, რომ ჯერ მოვხრეშავთ გზას და შემდეგ დავაყენებთ ტრანსპორტს, რომელიც დღეში ორჯერ, ამ უბანსა და ზუგდიდს შორის იმოძრავებს“, - უთხრა რადიო „ათინათს“ თორდიამ.




მისივე თქმით, ამ დრომდე გამგებლისთვის ადგილობრივებს მსგავსი მოთხოვნით ოფიციალურად არ მოუმართავთ.

თავის მხრივ, სვანეთის უბნის მცხოვრებლები ამბობენ, რომ დაპირებების აღარ სჯერათ, რადგან ამ პრობლემაზე, უკვე მეორე წელია საუბრობენ, თუმცა, დღემდე მოუგვარებელია.

„გვინდა, რომ იყოს პირდაპირ გზა ცენტრალურ გზამდე გასასვლელი. როცა რაღაც ტვირთი გვაქვს, ტაქსის დაქირავება გვიწევს. გამგებელი დაგვპირდა, რომ არჩევნებამდე, მოკლე ხანებში სამარშუტო ტაქსს დააყენებენ, მაგრამ პირდაპირი გზის გახსნის იმედი არ გქონდეთო“, - აღნიშნა ერთ-ერთმა ადგილობრივმა ფრიდონ აფრასიძემ.

დღესვე ხერგიანი ქუჩაზე აქცია იყო დაგეგმილი, თუმცა ის არ შედგა.

„ხალხმა იცის, რომ აქციების გამართვას აზრი არ აქვს, რადგან არანაირი იმედი არ გვაქვს, რამდენჯერ გაგვიცრუვდა იმედი“, - თქვა მედიკო ფირცხელანმა.




სვანეთის ქუჩაზე „ნაციონალური მოძრაობის“ წევრებიც იმყოფებოდნენ. ისინი გამგებლის წარმომადგენელს შეხვდნენ და მისგან არსებული პრობლემის მოგვარების პირობა მიიღეს.

ხერგიანის ქუჩის მცხოვრებლების ცენტრალურ საავტომობილო გზასთან მისასვლელი იმ პირდაპირი გზის გაჭრას ითხოვენ, რომელიც ორი წლის წინ, მას შემდეგ ჩაიკეტა, რაც აღნიშნულ ტერიტორიაზე მიწის ფართობები მამა-შვილ ზაქარაიებმა შეიძინეს. მათ აქ თხილნარი გააშენეს. ანურ და გიორგი ზაქარაიები ამბობენ, რომ ეს მათი კერძო საკუთრებაა და პრეტენზიების შემთხვევაში, დაინტერესებულ პირს შეუძლიათ სასამართლოს მიმართოს.


ამავე თემაზე:

ზედა ეწერში ენმ-ის მაჟორიტარი დეპუტატობის კანდიდატს მუქარაში ადანაშაულებენ (ვიდეო)
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 14 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.