რეგიონი
ყულიშკარის გამგებელი ენმ-ის მიერ გავრცელებულ სიაზე - ყველა ცოცხალია, ალბათ შემეშალა
ზუგდიდის მუნიციპალიტეტის სოფელ ყულიშკარის გამგებლის წარმომადგენელი ლადო შველიძე „ქართული ოცნების“ საარჩევნო შტაბისთვის სიების გადაცემას უარყოფს. ის ამბობს, რომ მმართველი პარტიის საარჩევნო შტაბის ხელმძღვანელისთვის მის სოფელში მცხოვრები საჯარო თუ კერძო სექტორში დასაქმებულთა სია არ გადაუცია და აღნიშნულთან დაკვაშირებით ენმ-ს მიერ გავრცელებული ინფორმაცია აბსურდულია. მისივე ინფორმაციით, სიაზე არსებული ბეჭედი, რომელსაც „ნაციონალური მოძრაობის“ ზუგდიდის ორგანიზაციის ხელმძღვანელი ანა წითლიძე ავრცელებს, ძველია.



„მე ვარ საჯარო მოხელე, რომელსაც კანონით აკრძალული მაქვს საარჩევნო შტაბთან თანამშრომლობა , ის სიები რომელიც ანა წითლიძემ გამოაქვეყნა არის სრული აბსურდი, ეს არის ძველი სიები, ეს არის სულ სხვა ბეჭედი, ეს არის იგავ-არაკის დონეზე გავრცელებული ინფორმაცია, იმ სიებში ზოგიერთი გარდაცვლილია“, -აცხადებს ლადო შველიძე.

ენმ-ს მიერ გავრცელებული სიების გადამოწმების შემდეგ აღმოჩნდა, რომ სოფლის გამგებლის სიტყვები გარდაცვლილებთან დაკავშირებით არ დასტურდება და ყველა მათგანი ცოცხალია.

ამის შემდეგ, რადიო „ათინათს“ შველიძემ უთხრა, რომ სიაში მათი ვინაობა ალბათ, სწორად ვერ ამოიკითხა და შეეშალა.

„როგორც ჩანს სია არსწორად წავიკითხე და სახელები ამერია, რადგან ცუდი ხარისხით იყო ამობეჭდილი. რაც შეეხბა ბეჭედს და ხელმოწერას მე არ მეკუთვნის და არანაირ სიაზე მე ბეჭედი არ დამირტყამს, არც საარჩევნო შტაბთან ვთანამშრომლობ“,-თქვა შველიძემ.



„ნაციონალური მოძრაობის“ ზუგდიდის ოფისი ადგილობრივ ხელისფლებას ადმინისტრაციული რესურსის გამოყენებაში ადანაშაულებს.

ორგანიზაციის ხელმძღვანლის ანა წითლიძის ინფორმაციით, „ქართული ოცნების“ ზუგდიდის საარჩევნო შტაბის ხელმძღვანლმა რწმუნებულებს თემში მცხოვრები საჯარო მოხელეების, მათზე ზეწოლის მიზნით, პერსონალური მონაცემების შეგროვება დაავალა. დავით კოდუა აღნიშნულ ბრალდებას სიცრუეს უწოდებს და ამბობს, რომ იმ შემთხვევაში თუ ოპოზიციური პარტია ამას დაამტკიცებს, მზად არის პასუხი აგოს.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 16 °C
img
ფოთი 17 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.