დე ფაქტოს აფხაზეთის შს სამინისტროს ახალი ხელმძღვანელი ჰყავს. გარი არშბა აღნიშნულ თანამდებობაზე თვითაღიარებული რესპუბლიკის პრეზიდენტის განკარგულების საფუძველზე დაინიშნა.

ახალი მინისტრი თანამშრომლებს რაულ ხაჯიმბამ წარუდგინა, წერს "სპუტნიკ აბხაზია“. მან აღნიშნა, რომ შსს-ს ყოფილმა ხელმძღვანელმა ასლან კობახიამ აქამდე ბევრი გააკეთა, თუმცა ახლა კრიმინალთან ბრძოლის გამკაცრებაა საჭირო.

1993 - 2011 წლებში გარი არშბა „აფხაზეთის შს სამმართველოს“ სხვადასხვა თანამდებობებზე , ხოლო 2013 - დან 2017 წლამდე ის რუსეთის
შსს-ს მთავარი სამმართველოს ჩრდილოეთ კავკასიის განყოფილებაში მუშაობდა.