ზუგდიდში დაჭრილი ბიზნესმენი ლევან ქუჩულორია წუხელ ოჯახის წევრების მოთხოვნით თბილისში გადაიყვანეს. რეფერალური საავადმყოფოს სამედიცინო მენეჯერის ნიკოლოზ ჭეჟიას ცნობით, დაჭრილს წუხელ ოპერაცია ჩაუტარდა, რის შემდეგაც იგი თბილისში ერთ-ერთ საავადმყოფოში გადაიყვანეს. მისივე თქმით, პაციენტის ჯანმრთელობის მდგომარეობას ამ ეტაპზე საფრთხე არ ემუქრება.

ლევან ქუჩულორია ცეცხლსასროლი იარაღით 15 ოქტომბერს ზუგდიდში დაჭრეს. აღნიშნულ ფაქტზე  გამოძიება სისხლის სამართლის კოდექსის 19-108-ე მუხლით მიმდინარეობს.