არჩევნები
„დებატები“ დებატების გარეშე - შეხვედრა მერობის კანდიდატებთან (ვიდეო)
ზუგდიდის დემოკრატიული ჩართულობის ცენტრის ორგანიზებით მერობის კანდიდატებთან შეხვედრა გაიმართა. ის დებატების ფორმატით უნდა წარმართულიყო, თუმცა მმართველი პარტიის კანდიდატმა აღნიშნული ფორმატის შეხვედრაში მონაწილეობაზე უარი თქვა. ამასთან, შეხვედრაზე მისვლა არ ისურვა ენმ-ის მერობის კანდიდატმა ლევან კონჯარიამ. აქედან გამომდინარე, მოდერატორებმა ზვიად ქორიძემ, არჩილ თოდუამ და შეხვედრის მონაწილეებმა კანდიდატებს კითხვები ცალ-ცალკე დაუსვეს.

საუბარი ძირითად თვითმმართველობის რეფორმას, საზოგადოებრივი ტრანსპორტის განვითარებას, გარევაჭრობასა და ინფრასტრუქტურულ პროექტებს შეეხო.



მმართველო პარტიის მერობის კანდიდატმა საკუთარი ოთხწლიანი გეგმის პრიორიტეტებზე ისაუბრა. რაც შეეხება ერთ-ერთი საზოგადოებრივი ორგანიზაციის წარმომადგენლის ემზარ კვარაცხელიას კითხვას, რას მოიმოქმედებს ის არჩევის შემთხვევაში ჰომოფობიური გარემოს შესაცვლელად ქალაქში, გოგიამ უპასუხა, რომ ის ძალადობას გმობს, მაგრამ არის ქართველი და მართლმადიდებელი, რომელსაც ჰყავს მეუღლე და სამი შვილი. თუ რას ნიშნავდა მისი ეს განცხადება, მერობის კანდიდატს დამატებით განმარტებები არ გაუკეთებია.

ბიზნესისა და ინვესტიციების მოზიდვაზე გაამახვილა ყურადღება დამოუკიდებელმა კანდიდატმა. დომენტი სიჭინავას თქმით, აუცილებელია ყველა კომპანიას თანაბარი შესაძლებლობები ჰქონდეს და ერთეულ კომპანიებს ან ბიზნესმენს არ უნდა ჰქონდეს ქალაქი მონოპოლიზებული. მისივე თქმით, მიგრაციის შეჩერება სწორედ ინვესტიციების მოზიდვით შეიძლება.



რაც შეეხება კითხვას სექსუალური უმცირესობების შესახებ, მან თქვა, რომ ლგბტ თემის წარმომადგენლები სხვა მოქალაქეებთან თანასწორები არიან.

„მე ვერ დაგპირდებით, რომ თქვენთან ერთად გამოვალ დროშებით, მაგრამ არც სასულიერო პირებთან ერთად ვაპირებ გამოვიდე სექსუალური უმცირესობების წინააღმდეგ“, - თქვა სიჭინავამ.

„ევროპული საქართველოს“ მერობის კანდიდატმა ლელა ქებურიამ საკუთარი პროგრამის პრიორიტეტებს გაუსვა ხაზი და აღნიშნა, რომ სკოლამდელი აღზრდის დაწესებულებების ბიუჯეტი იძლევა საშუალებას, რომ თითო ბავშვზე ათას ლარიანი ვაუჩერი გაიცეს. მისივე განმარტებით, ეს მშობლებს მისცემს ბაღების თავისუფალად არჩევის შესაძლებლობას. რაც შეეხება კითხვას სექსუალური უმცირესობების შესახებ, ქებურამ განმარტა, რომ ის მათ უფლებებს დაიცავს.



„მე ვიქნები ერთ-ერთი პირველი, ვინც უფლებების დარღვევის შემთხვევაში დადგება თქვენს გვერდით და იბრძოლებს თქვენთან ერთად“, - თქვა ქებურიამ.

მოდერატორმა ზვიად ქორიძემ შეხვედრა დადებითად შეაფასა და აღნიშნა, რომ ის ინფრომაციული და საინტერესო იყო.



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 15 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.