საარჩევნო კანონმდებლობის თანახმად, მერის არჩევნების მეორე ტური პირველი ტურიდან არაუგვიანეს 25-ე დღისა ტარდება. მას ცესკო პირველი ტურის შედეგების შეჯამებასთან ერთად ნიშნავს.

მერობის კანდიდატებისათვის დადგენილი 50%-იანი ზღვარი არჩევნებში მონაწილე სუბიექტებმა ვერ გადალახეს: ყაზბეგში, ბორჯომში, ხაშურში, ოზურგეთში, მარტვილსა და ქუთაისში.

აღნიშნულ ოლქებში პირველ ადგილზე "ქართული ოცნების" მიერ წარდგენილი კანდიდატები არიან. მეორე ტურში მონაწილეობაზე "ნაციონალური მოძრაობის" მერობის კანდიდატებმა ქუთაისსა და მარტვილში უარი განაცხადეს, მიუხედავად ამისა მეორე რაუნდი მაინც გაიმართება.