ახალი ამბები
მერიასა და საკრებულოს ხელფასების საკითხს კომისიის სხდომაზე დაპირისპირება მოჰყვა
ზუგდიდის საკრებულოში საფინანსო-სარევიზიო და საბიუჯეტო კომისიის სხდომა ხმაურის ფონზე წარიმართა. მერიის შესაბამისი სამსახურების წარმომადგენლებთან კითხვები ჰქონდათ საკრებულოს წევრებს. სხდომაზე ხმაური „ევროპული საქართველოს“ წევრი ირაკლი ღურწკაიას კითხვას მოყვა. ოპოზიციონერი დეპუტატი დაინტერესდა, რამდენით შემცირდა ბიუროკრატიული და ადმინისტრაციული ხარჯები მუნიციპალიტეტების გაერთიანების შემდეგ, რაზეც მერიის საფინანსო-საბიუჯეტო სამსახურის უფროსმა მურთაზ ბოკუჩავამ განმარტა, რომ დანაზოგი 400 000 ლარს შეადგენს.

რაც შეეხება მერიისა და საკრებულოს თანამშრომლების შრომით ანაზღაურებას, ბოკუჩავას თქმით, ის 6 მილიონი ლარია და კანონით გათვალისწინებულ დასაშვებ ნორმაზე 6%-ით ნაკლებია.



„არ შეიძლებოდა 19%-ზე ნაკლები ყოფილიყო. მუნიციპალიტეტის ორგანოების საშტატო რიცხოვნებიდან გამომდინარე (351), სახელფასო ხარჯები არ შეიძლება 19%-ზე ნაკლები იყოს. თითოეული საშტატო ერთეულის ანაზღაურება კანონით გათვალისიწინებულია. ასე რომ 19 % ოპტიმალური ოდენობაა მაშინ, როდესაც ზღვარი 25%-ია“, - აღნიშნა ბოკუჩავამ.

ენმ-ის წევრის ანი წითლიძის თქმით, შესაძლებელი იყო, რომ ხელფასებისთვის არა 19%, არამედ უფრო ნაკლები თანხა გამოეყოთ, რაზედაც ირაკლი ლაგვილავამ უპასუხა, რომ ნაციონალების ხელისუფლების დროს დაბალი ხელფასების გამო პრემიების რაოდენობა გაცილებით მეტი იყო და შესაბამისად, ბიუროკრატიული ხარჯებიც ამჟმინდელ ხარჯებს აღემატებოდა.

„ეს არის ჩვეულებრივი დემაგოგია“ -  მიმართა წითლიძემ ლაგვილავას, რაზაც "ქართული ოცნების" დეპუტატმა უპასუხა, რომ ის ფაქტებზე დაყრდნობით საუბრობს.

ბიუჯეტის პროექტის განხილვა კომისიის შემდეგ ფრაქცია „ენმ“-ის სხდომაზე გაგრძელდა, რომელსაც მერის მოადგილე მაიზერ ნანავაც ესწრებოდა.



ფრაქციის შეფასებით, აღნიშნული ბიუჯეტის პროექტი ზუგდიდის მუნიციპალიტეტის მოსახლეობის საჭიროებებს არ შეესაბამება.



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 15 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.