რეგიონი
აფხაზ-აბაზი ხალხების კონგრესი: ჩვენ ბარიკადების ერთ მხარეს უნდა ვიდგეთ
სოხუმში აფხაზ-აბაზი ხალხების VII საერთაშორისო კონგრესი მიმდინარეობს. დე ფაქტო რესპუბლიკის პრეზიდენტმა დელეგატების და სტუმრების წინაშე სიტყვით გამოსვლისას აღნიშნა, რომ აფხაზების, აბაზების და ადიღების „მთავარი ეროვნული იდეა იყო და არის ეთნოსის და სამშობლოს შენარჩუნება”.

"სადაც არ უნდა ვიყოთ, აფხაზეთში, თურქეთსა თუ რუსეთში, ჩვენ ბარიკადების ერთ მხარეს უნდა ვიდგეთ და დავიცვათ საერთო ინტერესები. ხოლო ჩვენს ქმედებებს ჩვენი ხალხები, დრო და ისტორია შეაფასებენ", - განაცხადა რაულ ხაჯიმბამ. 

დე ფაქტო რესპუბლიკის სოციალურ-ეკონომიკურ მდგომარეობაზე საუბრისას, მან აღნიშნა, რომ გადაიდგა ქმედითი ნაბიჯები საზღვრისპირა გალის რაიონში სიტუაციის გასაუმჯობესებლად.

"მნიშვნელოვნად გამაგრდა საქართველოსთან საზღვარი. გაუმჯობესდა ახალი აფხაზური პასპორტების გაცემის მექანიზმი, ასევე მნიშვნელოვანი ძვრები მოხდა სასამართლო სისტემაში. განხორციელდა კონსტიტუციური ცვლილებები... გაძლიერდა კონტროლი კრიმინოგენულ სიტუაციაზე, მათ შორის ნარკოტიკებთან ბრძოლის თავლსაზრისითაც. გაიხსნა რამდენიმე მძიმე დანაშაული“, - თქვა მან.

აფხაზ-აბაზი ხალხების კონგრესის ვიცე-პრეზიდენტმა სერგეი პაზოვმა აღნიშნა, რომ მნიშვნელოვანია, ხალხებმა შეინარჩუნონ საკუთარი ენა, კულტურა და მსოფლმხედველობა.

აფხაზური მედიის ცნობით, წლევანდელ ფორუმზე იგეგმება კონგრესის ხელმძღვანელობის სტრუქტურის შეცვლა, პრეზიდენტის და გენერალური მდივნის თანამდებობებს, ორგანიზაციის უმაღლესი საბჭო ჩაანაცვლებს.

აფხაზ-აბაზი ხალხების საერთაშორისო ასოციაცია 1992 წელს დაფუძნდა.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.