ახალი ამბები
ზუგდიდელების სოლიდარობის აქცია ზვიად რატიანის მხარდასაჭერად (ვიდეო)
ზუგდიდის ცენტრალურ ბულვარში პოეტ ზვიად რატიანის მხარდამჭერი სოლიდარობის აქცია გაიმართა. ადგილობრივმა პოეტებმა, სამოქალაქო სექტორის, არასამთავრობო ორგანიზაციებისა და საზოგადოების სხვა წარმომადგენლებმა რატიანი დაკავების დროს მის მიმართ პოლიციის მიერ ძალის გამოყენების ფაქტი გააპროტესტეს და დამნაშავე პოლიციელების დასჯა მოითხოვეს.

„ვგმობთ ძალადობას და ვითხოვთ ყველა იმ პოლიციელის დასჯას, ვინც ამ ინციდენტში მონაწილეობდა. გარდა ამისა, ასეთი ქმედებებით ისინი სამინისტროს იმიჯსაც აყენებენ ზიანს. სოლიდარობას ვუცხადებთ ამ დიდ მწერალსა და პოეტს და ყველა მსგავსი შემთხვევის მსხვერპლს“, - აღნიშნა ზუგდიდელმა პოეტმა ნიკა ლაშხიამ.



აქციის მონაწილეები ამბობენ, რომ ხელისუფლებამ საზოგადოების დაკვეთა უნდა დაასრულოს.

„არა ძალადობას - სწორედ ეს დაუკვეთა საზოგადოებამ ხელისუფლებას და ეს უნდა შესრულდეს. ჩვენი სოლიდარობა და მხარდაჭერა ყველა დაჩაგრულს“, - თქვა როსტომ ზარანდიამ.

პოეტი ზვიად რატიანი საპოლიციო კონტროლის დროს გუშინ დააკავეს. მისი მტკიცებით, ის სამართალდამცავებმა სცემეს. საქართველოს მთავარი პროკურატურა აღნიშნულ ფაქტს იძიებს. რაც შეეხება შსს-ს მიერ გავრცელებულ ინფორმაციას, უწყების განცხადებაში ნათქვამია, რომ „ზვიად რატიანი იყო ნასვამ მდგომარეობაში, წინააღმდეგობას უწევდა და შეურაცხყოფას აყენებდა სამართალდამცველებს, რითაც მათ არ აძლევდა სამსახურებრივი მოვალეობის შესრულების შესაძლებლობას“. მის მიმართ საქმე საქართველოს ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით არის აღძრული.

რატიანის საქმის სასამართლო განხილვა გადაიდო. შესაბამისი შუამდგომლობა პროცესზე რატიანის ადვოკატმა რატიანის ჯანმრთელობის მდგომარეობის გაუარესების დააყენა. ოჯახის წევრების პოეტს ტვინის შერყევა აქვს, ცოტა ხნის წინ კი ძლიერი ტკივილით საავადმყოფოში გადაიყვანეს.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 15 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.