ახალი ამბები
სვანეთში ელექტროსისტემა გაზრდილ დატვირთვას ვერ უძლებს
მესტიის მუნიციპალიტეტის მერია მოსახლეობას ელექტროენერგიის დაზოგვისკენ მოუწოდებს. მერის კაპიტონ ჟორჟოლიანის თქმით, დენის მოხმარება მნიშვნელოვნად გაიზარდა, რის გამოც ელექტროგადამცემი სადენები იტვირთება და იწვება. მისივე ინფორმაციით, მუნიციპალიტეტის მასშტაბით ბოლო წლის განმავლობაში 24 ტრანსფორმატორი გამოვიდა მწყობიდან.

„იმისთვის, რომ არ გადაიწვას ტრანსფორმატორები და მოსახლეობა არ დარჩეს უშუქოდ, ვთხოვეთ მათ, რომ მაქსიმალურად დაეზოგათ დენი. ერთი წლის განმავლობაში 24 ტრანსფორმატორი გადაიწვა და გამოგვიცვალა ენერგო-პრო ჯორჯიამ. ელექტროენერგიის მოხმარების გაზრდა ინფრასტრუქტურის, საოჯახო სასტუმრობის რაოდენობის გაზრდამ გამოიწვია “, - უთხრა რადიო „ათინათს“ ჟორჟოლიანმა.

მერიაში აცხადებენ, რომ ახალი რეგულაციების დაწესებაა საჭირო, რაც საოჯახო სასტუმროებისთვის საკუთარი ტრანსფორმატორებით უზრუნველყოფას გულისხმობს.

ელექტროენერგიის დაზოგვისკენ მესტიის მერიამ მოსახლეობას სოციალური ქსელით მოუწოდა. მომხმარებლების ნაწილი უკმაყოფილებას გამოთქვამს და ამბობს, რომ აღნიშნული პრობლემა ტურიზმის განვითარებაზე უარყოფითად იმოქმედებს, ნაწილი კი მიიჩნევს, რომ გამოსავალი დენის მოხმარების დაზოგვაშია.

ენერგო-პრო ჯორჯიაში ადასტურებენ, რომ რეგიონში, განსაკუთრებით კი მესტიაში, ელექტროენერგიის მოხმარება საახალწლოდ გაიზარდა. რაც შეეხება აღნიშნულ პრობლემას, უწყებაში განმარტავენ, რომ ამ ეტაპზე საკითხზე მუშაობენ და დამატებით კომენატრს არ აკეთებენ.

სვანეთში დენის გადასახადს მხოლოდ კომერციული დაწესებულებების ნაწილი იხდის, მოსახლეობა კი ელექტრონერგიას უფასოდ მოიხმარს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 14 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.