ახალი ამბები
დევნილთა პოლიკლინიკის ყოფილი თანამშრომლები გათავისუფლებას აპროტესტებენ (ვიდეო)
ზუგდიდში დევნილთა პოლიკლინიკის 11 თანამშრომელი სამსახურიდან გათავისუფლებას აპროტესტებს და აღდგენას მოითხოვს. ისინი აქციას დაწესებულებასთან დილიდან მართავენ. მათ დირექტორისგან ოთარ შენგელიასგან იმ მიზეზების დასახელება მოითხოვეს, რის გამოც მათ ხელშეკრულების ვადა აღარ გაუგრძელდათ.

“ჩვენი გათავისუფლება არის უკანონო გადაწყვეტილება. წლებია აქ ვმუშაობთ, არანაირი დარღვევა და გადაცდომა არ გვქონია, ვმუშაობდით ისე, როგორც გვავალებდნენ“, - აღნიშნეს მათ.

თავის მხრივ, ოთარ შენგელია ამბობს, რომ ამ დროისთვის ხელშეკრულების ვადა 9 თანამშრომელს არ გაუგრძელდა.



„5 მათგანი სამსახურებრივი გადაცდომის გამო გავუშვი სამსახურიდან, რაც შეეხებ დანარჩენ ოთხ თანამშრომელს, გვაქვს ფინანსური კრიზისი და მე მათ დავპირდი, რომ, როგორც კი პრობლემები მოგვარდება, აღვადგენ სამსახურში“, - აღნიშნა შენგელიამ.

ადგილზე ენმ-ის ზუგდიდის ორგანიზაციის ლიდერი ანი წითლიძეც იმყოფებოდა. მისი თქმით, ის აქ ყოფილი თანამშრომლების თხოვნით მოვიდა და მათ გათავისუფლებას ხელმძღვანელობისთვის სასურველი კადრების მოყვანით ხსნის.



რეგისტრატურის თანამშრომლები, რომელთაც სამსახურიდან გათავისუფლების შესახებ 4 იანვარს შეიტყვეს, ბრძოლის სამართლებრივი გზით გაგრძელებას გეგმავენ.

ზუგდიდის დევნილთა პოლიკლინიკის დირექტორად ოთარ შენგელია გასული წლის აგვისტოში დაინიშნა. აფხაზეთის ავტონომიური რესპუბლიკის მთავრობაში აცხადებენ, რომ ყოფილმა უფროსმა თამაზ ჯანაშიამ თანამდებობა პირადი განცხადების საფუძველზე დატოვა. მათივე ინფორმაციით, საკადრო ცვლილებას წინ მედიკოსებს შორის დაპირისპირება უძღოდა.

ამავე თემაზე:

ზუგდიდის დევნილთა პოლიკლინიკის უფროსად დათო შენგელიას ძმა დაინიშნა
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 19 °C
img
სოხუმი 15 °C
img
ფოთი 16 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.