ახალი ამბები
თანამდებობის პირთა განმარტებები და TI-ს პასუხი არადეკლარირებულ ბიზნესწილებზე
„საერთაშორისო გამჭვირვალობა-საქართველოს“ მიერ გამოქვეყნებულ კვლევაზე განმარტებები იმ თანამდებობის პირებმა გააკეთეს, რომელთაც, კვლევის თანახმად, დეკლარაციები არასრულად აქვთ შევსებული.



ზუგდიდის მერიის ზედამხედველობის და არქიტექტურის სამსახურის უფროსმა ლაშა ჯაიანმა, რომელიც TI-ის კვლევის მიხედვით, რამდენიმე ბიზნეკომპანიის მეწილე და დირექტორია, განმარტა, რომ არცერთი დასახელებული კომპანია 2016 წლის შემდეგ არ ფუნქციონირებს.

„შპს “ფარი 2005”-მა 2009 წელს შეწყვიტა ფუნქციონირება, „ორნამენტმა“ კი - 2016 წელს. შპს “მშენსერვისი” კი დარეგისტრირდა და ფაქტიურად, არც ყოფილა მოქმედი. ამიტომაც არ აისახა არცერთი მათგანი“, - თქვა ჯაიანმა.

ამავე მიზეზს ასახელებს ზუგდიდის მერიის ინფრასტრუქურული პროექტების მართვის სამსახურის უფროსი რუსლან კილასონიაც. ის ამბობს, რომ დეკლარაციაში არაფუნქციონირებადი კომპანიის ჩაწერის აუცილებლობის შესახებ ინფორმაცია არ ჰქონდა.

დასახელებულ კომპანიებთან ამჟამინდელ კავშირს უარყოფს ზუგდიდის მუნიციპალიტეტის საკრებულოს წევრი დაზმირ ძიმცეიშვილიც, ისევე, როგორც წალენჯიხის მუნიციპალიტეტის საკრებულოს თავმჯდომარე თეიმურაზ ღვინჯილია.

სენაკის მუნიციპალიტეტის საკრებულოს თავმჯდომარე და წალენჯიხის მუნიციპალიტეტის საკრებულოს თავმჯდომარის მოადგილე კი რადიო „ათინათის“ სატელეფონო ზარებს არ პასუხობენ.



აღნიშნულ განმარტებებზე პასუხად „საერთაშორისო გამჭვირვალობა-საქართველოში“ ამბობენ, რომ სამეწარმეო რეესტრის მონაცემების მიხედვით კვლევაში წარმოდგენილ ყველა კომპანიას დღესაც აქტიური სტატუსი გააჩნია, თანამდებობის პირები, მათი ოჯახის წევრები კი მათ მეწილეებად ან დირექტორად ირიცხებიან.

„კანონდებლობის თანახმად, სამეწარმეო სუბიექტი არსებობას მხოლოდ რეგისტრაციის გაუქმების შემდეგ წყვეტს. ყველა კომპანია, რომელიც ნახსენებია კვლევაში, იძებნება საჯარო რეესტრის ბაზაში “აქტიურის” სტატუსით. შესაძლებელია კომპანიების ნაწილი აღარ ფუნქციონირებდეს, თუმცა ეს არ ათავისუფლებს თანამდებობის პირს ვალდებულებისაგან, რომ კომპანიაში წილის არსებობის შესახებ მიუთითოს დეკლარაციაში და გათავისუფლდეს დირექტორის თანამდებობიდან. იმედს ვიტოვებთ, რომ კვლევაში წარმოდგენილი თანამდებობის პირები ანგარიშში მოყვანილი ფაქტების შესაბამისად კანონით დადგენილ სამართლებრივი რეაგირების ზომებს მიმართავენ. რაც იქნება საზოგადოების მიმართ მათი პასუხისმგებლობის გამოხატულება“, - აცხადებენ ორგანიზაციაში.

“საერთაშორისო გამჭვირვალობა-საქართველომ“ ზუგდიდის, წალენჯიხის და სენაკის მუნიციპალიტეტის იმ თანამდებობის პირების შესახებ ინფორმაცია გამოაქვეყნა, რომლებმაც დეკლარაცია არასწორად შეავსეს, არ ასახეს ინფორმაცია საკუთარი ან/და ოჯახის წევრთა კომერციულ საქმიანობაში მონაწილეობის შესახებ და ამავე დროს ეწევიან თანამდებობასთან შეუთავსებელ საქმიანობას.ორგანიზაციის კვლევაში აღნიშნულია, რომ 77 დეკლარაციის შესწავლის შემდეგ 6 შემთხვევაში დეკლარაციის არასრულად შევსების ფაქტი გამოვლინდა.

ამავე თემაზე:

TI სამეგრელოში თანამდებობის პირების არადეკლარირებულ ბიზნესკავშირებს აქვეყნებს



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 11 °C
img
ფოთი 13 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.