დღეიდან მასწავლებლების ნაწილი მომატებულ ხელფასს აიღებს. საუბარია წამყვან პედაგოგებსა და მენტორებზე. განათლებისა და მეცნიერების სამინისტროს ინფორმაციით, წამყვანი მასწავლებელი სრული დატვირთვით მუშაობის შემთხვევაში 700 ლარს - ხოლო მენტორი - 1 000 ლარს აიღებს.

ცვლილებებამდე კი წამყვანი მასწავლებლის დანამატი 500, ხოლო მენტორის 700 ლარი იყო.

ეკონომიკური დეპარტამენტის საბიუჯეტო სამმართველოს უფროსის მარიამ ტაბატაძის თქმით, დანამატები საჯარო სკოლის პედაგოგების ნაწილს მოტივაციის ასამაღლებლად გაეზარდა.