ახალი ამბები
კორცხელის საქმეზე დაზარალებული და სხვა მოწმეები დაიკითხნენ
კორცხელის ინციდენტის დროს დაზარალებული გოჩა ჭოხონელიძე ამბობს, რომ მან მხოლოდ მსუბუქი დაზიანებები მიიღო. ის მოწმის სახით ზუგდიდის რაიონულ სასამართლოში დაიკითხა. ჭოხონელიძემ თქვა, რომ მას 4-5 ადამიანი ურტყამდა, თუმცა ვინ იყვნენ ეს პირები, არ დაუნახავს.

“საუბრის დროს მინდოდა, გამეშველებინა ის პირები, ვის შორისაც, სავარაუდოდ, პოლიტიკური კამათი იყო. ამ დროს მომხვდა უკნიდან ხელი სახეზე და ტანზეც, მაგრამ ვინ დამარტყა, არ დამინახავს. გავიქეცი და მომსდევნენ, მანქანის ქვეშ შევძვერი თავის დასაცავად“, - თქვა ჭოხონელიძემ.

მისივე თქმით, ზუსტად არ ახსოვს, თუმცა, ამბობს, რომ პირველად ხელი ნიკა მელიას დაარტყეს.

პროცესზე პროკურორმა ჭოხონელიძის მიერ გამოძიებისთვის მიცემული ჩვენების ნაწილი წაიკითხა, სადაც წერია, რომ, მისი თქმით, დაზიანებები კისრის არეში, საფეთქელზე, მარცხენა მუხლზე მიიღო და ძლიერ ფიზიკურ ტკივილს განიცდიდა.

ამასთან დაკავშირებით ჭოხონელიძემ თქვა, რომ უკვე დიდი დრო გავიდა და დეტალები არ ახსოვს. ამავე ჩვენებაში ჭოხონელიძე ამბობდა, რომ მან კორცხელში ინციდენტის ადგილას 50-მდე სპორტული აღნაგობის ადამიანი დაინახა, რომელთაგან 10-15-მდე მამაკაცი აგრესიული შეძახილებით გამოეყო და მისი "პარტიელების" ცემა დაიწყო. პროცესზე კი მოწმემ განმარტა, რომ ის პარტიული არასოდეს ყოფილა.

დღესვე რამდენიმე სხვა მოწმე, მათ შორის, საქმის გამომძიებლები დაიკითხნენ.

ინციდენტის ერთ-ერთი თვითმხილველისა და საარჩევნო უბნის კომისიის წევრის მტკიცებით, მათ მომხდარის შესახებ დეტალური ინფორმაცია არ აქვთ. 

ზუგდიდის რაიონულ სასამართლოში, ჯერჯერობით, არ გამოცხადებულა ნიკა მელია, რომელიც საქმეში ერთ-ერთი დაზარალებულია.

ამავე თემაზე:

ბოკერია კორცხელის ინციდენტზე: არ ვიცი, ვინ დაარტყა ნიკა მელიას


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 9 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.