ახალი ამბები
ბიზნესმენი ზუგდიდის მერს სიცრუეში ადანაშაულებს (ვიდეო)
შპს „აკვაპარკის“ სამეთვალყურეო საბჭოს თავმჯდომარე მანანა მიქავა, რომელმაც გასულ კვირას ბრიფინგი გამართა და ადგილობრივი ხელისუფლება კორუფციაში დაადანაშაულა, ზუგდიდის მერს ლაშა გოგიას შეხვდება. ბიზნესმენის თქმით, გოგიამ შეხვედრა მას შემდეგ გადაწყვიტა, რაც მან დღეს სამხარეო ადმინისტრაციის წინ ბრიფინგი გამართა.

„ვერ დავეთანხმები იმ განცხადებას, რომელიც ლაშა გოგიამ გააკეთა, თითქოს მე არ მიმიმართავს მათვის აღნიშნული ტერიტორიის დაბრუნებისა და იქ ინვესტიციის განხორციელების თაობაზე. განცხადებით მივმართე 2013 წლიდან, არამხოლოდ მერიას, არამედ სხვადასხვა სტრუქტურასა და უწყებას. რაც შეეხება იმ ბრალდებას, რომ მე იმ ტერიტორიაზე უკანონო სამეწარმეო საქმიანობას ვეწევი, მინდა გითხრათ, რომ ჩემი ციხეში ყოფნის პერიოდში თავად ხელისუფლებამ გადაწყვიტა იქ ბაზრის მოწყობა. ახლა მითხრეს, რომ სტუმრები ჰყავს და როგორც კი გათავისუფლდება, შემხვდება“, - თქვა მან.



მოთხოვნების დაუკმაყოფილებლობის შემთხვევაში ის ცენტრალური მთავრობისთვის მიმართვას და ბიძინა ივანიშვილთან შეხვედრას გეგმავს.

მერიაში აღნიშნულთან დაკავშირებით კომენტარს, ჯერჯერობით, არ აკეთებენ.

მანანა მიქავამ გასულ კვირას ზუგდიდის დემოკრატიული ჩართულობის ცენტრში ბრიფინგი გამართა, სადაც აღნიშნა, რომ ხელისუფლებამ მისი მოთხოვნები არ დააკმაყოფილა და მას ინვესტიციის განხორციელების საშუალება არ მისცა.

აღნიშნულზე მერმა ლაშა გოგიამ განაცხადა, რომ სადავო ტერიტორიაზე საინვესტიციო წინადადების შემოტანა ნებისმიერ მსურველს, მათ შორის მანანა მიქავასაც შეუძლია და არავითარი კორუფციული გარიგება არ არსებობს. გარდა ამისა, მერმა დასძინა, რომ თავად მიქავა აღნიშნულ ტერიტორიაზე უკანონო სამეწარმეო საქმიანობას ეწევა და მუნიციპალიტეტის კუთვნილი ტერიტორიიდან გარევაჭრობის საშუალებით იღებს შემოსავლებს.

საუბარია ზუგდიდის ცენტრში, მდინარე ჩხოუშის ნაპირთან მდებარე 9 ათას კვადრატულ მეტრამდე ფართობზე, რომელიც მანანა მიქავას წინა ხელისუფლების დროს იჯარით 150 000 დოლარად გადაეცა. მას ოთხმილიონიანი ინვესტიცია უნდა განეხორციელებინა, თუმცა ვალდებულებები გარკვეული მიზეზების გამო ვერ განახორციელა და ხელშეკრულება გაუუქმეს. აღნიშნული გადაწყვეტილება მიქავამ გაასაჩივრა, რის შემდეგაც ორივე ინსტანციის სასამართლომ, ბიზნესმენის საჩივარი ნაწილობრივ დააკამაყოფილა და საკრებულოს დაავალა ახალი ინდივიდუალური ადმინისტრაციული სამართლებრივი აქტის გამოცემა. მოგვიანებით, მერიამ მას ორთვიანი ვადა მისცა, თუმცა ბიზნესმენმა ვალდებულებები ისევ ვერ შეასრულა.

რამდენიმე დღის წინ მუნიციპალიტეტის მერიამ გაავრცელა ინფორმაცია, რომლის მიხედვით აღნიშნულ ტერიტორიაზე, სააქციო საზოგადოება ,,ზუგდიდი სითი" მრავალფუნქციური კომპლექსის მშენებლობას გეგმავს.


ამავე თემაზე:

ზუგდიდის მერი: მანანა მიქავას წინადადების შემოტანა ახლაც შეუძლია (ვიდეო)

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 15 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.