დე ფაქტო აფხაზეთში დისლოცირებული სამხრეთის სამხედრო ოლქის სადაზვერვო ქვედანაყოფებისთვის წვრთნები დასრულდა. სამხედრო მომზადების პროგრამის ფარგლებში წებელდის პოლიგონზე რუსმა სამხედრო მოსამსახურეებმა მთიანი, ტყიანი რელიეფის პირობებში ტაქტიკურ-სპეციალური, საინჟინრო და საცეცხლე მომზადება გაიარეს.

ღონისძიებაში 300 - მდე სამხედრო მოსამსახურე და 50 ერთეული სამხედრო ტექნიკა იყო ჩართული. მათ შორის, დაჯავშნული სადაზვერვო მანქანა „დოზორი“, ჯავშანტრანსპორტიორი „ტიგრი“ და კამაზის მარკის სატვირთო ავტომანქანა „მუსტანგი“.