რეგიონი
ზუგდიდში ფერმერთა მომსახურების ცენტრი გაიხსნა (ფოტო-ვიდეო)
საქართველოს თხილის მწარმოებელთა ასოციაციამ ზუგდიდში, რუსთაველის ქუჩაზე ფერმერთა მომსახურების ცენტრი გახსნა. აღმასრულებელი დირექტორის გიორგი თოდუას თქმით, ცენტრი ფერმერებს სხვადასხვა სახის მომსახურებას, მათ შორის, პრეპარატებს, სასოფლო-სამეურნეო ტექნიკას და უფასო კონსულტაციებს სთავაზობს. მისივე განმარტებით, ცენტრი მოგებაზე ორიენტირებული არ არის და მათი მთავარი მიზანი მეტი ფერმერთა ჯგუფის შექმნა და მათი ტექნიკურ-მატერიალური უზრუნველყოფაა.



„ფერმერებს ადგილზე მოემსახურებიან პროფესიონალი აგრონომები, რომლებიც გაუწევენ რეკომენდაციებს, ასევე, ვთავაზობთ მაღალი ხარისხის პრეპარატებს შეღავათიანი პირობებით და ფასებით. გარდა ამისა, ვთანამშრომლობთ საფინანსო ორგანიზიაციებთან, რომლებიც ჩვენს ფერმერებს ფინანსურ მხარდაჭერას უწევენ. გვეხმარებიან ჩვენი ძირითადი პარტნიორები ფერერო და USAID, რომელთა მეშვეობით 100-მდე ფერმერის მიწის ნაკვეთს ნიადაგის ანალიზი ჩაუტარდა და ასევე 100-მდე მაღალი ეფექტურობის შესაწამლი აპარატები და ტექნიკა გადავეცით. ამასთან, 5 000-მდე ფერმერთან ჯგუფურად ვმუშაობთ და აგრონომ-კონსულტანტები ადგილზე უტარებენ კონსულტაციებს, ასევე, ვაპირებთ სოფლებში მისვლას, მასიურ ტრენინგებს და ვაპირებთ მოძრავი ცენტრის ამოქმედებას“, - თქვა თოდუამ.



ცენტრის გახსნა ადგილობრივი ფერმერები და თვითმმართველობის წარმომადგენლები დაესწრნენ. მათ ცენტრის მნიშვნელობაზე გაამახვილეს ყურადღება და აღნიშნეს, რომ ის ფერმერებს ხელს შეუწყობს, რომ საკუთარ პლანტაციებში თხილის დროული და სწორი მოვლა შეძლონ.

„თხილი აქტიურ ფაზაშია უკვე და აუცილებელია მისი წამლობა შხამქიმიკატებით, რომელიც ყველასთვის ხელმისაწვდომი უნდა იყოს. სწორედ ის არის მთავარი, რომ ეს ცენტრი არა მოგებაზე, არამედ ფერმერთა დახმარებაზეა ორიენტირებული", - აღნიშნა წალენჯიხელმა ფერმერმა როზმარ კვარაცხელიამ.



დღევანდელ ღონისძიებაზე გათამაშებაც მოეწყო, რომელშიც ფერმერებმა საჭირო ტექნიკა და პრეპარატები მოიგეს.



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 14 °C
img
ფოთი 16 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.