საგარეო საქმეთა მინისტრის განცხადებით, საქართველოს ოკუპირებულ ტერიტორიებზე გახსნილი საარჩევნო ოლქები საერთაშორის სამართლის ნორმებს ეწინააღმდეგება. უწყება საერთაშორისო საზოგადოებისგან ფაქტის შეფასებას ელის.

„ვგმობთ, საარჩევნო უბნების გახსნას ოკუპირებულ ტერიტორიებზე. ეს ეწინააღმდეგება ყველა საერთაშორისო სამართლის ნორმას. კიდევ ერთხელ ხაზს უსვამს და აჩვენებს იმ არალეგიტიმურ ქმედებებს, რაც არის ოკუპაციის შედეგი და რა თქმა უნდა, საერთაშორისო საზოგადოებამ უნდა მისცეს შესაბამისი შეფასება", - განაცხადა საგარეო საქმეთა მინისტრმა მიხეილ ჯანელიძემ.

აფხაზეთში რუსეთის საპრეზიდენტო არჩევნების ფარგლებში, მედიის მიერ გავრცელებული ინფორმაციის თანახმად, 20 საარჩევნო უბანი, "სამხრეთ ოსეთში" კი 13 საარჩევნო უბანი გაიხსნა.