ახალი ამბები
ქუჩებისთვის ქალების სახელების მინიჭება - შეხვედრა ზუგდიდში (ვიდეო)
ზუგდიდის დემოკრატიული ჩართულობის ცენტრში, ამავე ორგანიზაციის ინიციატივით გამართულ შეხვედრაზე, გენდერულად მგრძნობიარე პოლიტიკასა და ქუჩებისთვის ქალების სახელების მინიჭებაზე იმსჯელეს. ორგანიზაციის აღმასრულებელი დირექტორის ნინა ხატისკაცის თქმით, ქუჩებისთვის ქალების სახელების მინიჭება პრიორიტეტული უნდა იყოს და პროცესებს ხელი მერიებმა და საკრებულოებმა უნდა შეუწყონ.

დისკუსიის მიზანი ზუგდიდში ქუჩების სახელდების გენდერულად მგრძნობიარე პოლიტიკის დანერგვის ინიციატივის მხარდამჭერაა, რათა ქუჩებისთვის სახელის დარქმევისას პრიორიტეტი მიენიჭოს იმ ქალებს, რომლებმაც ქვეყნის, რეგიონის თუ ქალაქის ისტორიაში მნიშვნელოვანი როლი ითამაშეს.



„ქუჩების სახელდება დაწყებულია და ამაში დიდი როლი მიუძღვით იმ ორგანიზაციებს, ვინც ამ თემაზე მუშაობენ, თუმცა, მერიების და საკრებულოების ჩართულობის გარეშე წინ ვერ წავალთ. ჩვენ ვსაუბრობთ ქალის როლის წამოწევაზე, რატომ იყო ესა თუ ის პრობლემა მნიშვენლოვანი და ხაზი გავუსვათ იმას, რომ ქალები კაცების გვერდით ბევრ კარგს და ხშირად უკეთეს საქმესაც აკეთებდნენ. ვფიქრობ, ზუგდიდშიც იქნება საინტერესო პრეტედენტები, რომ დაუფასებელი ქალების სახელი უკვდავყოთ შემდგომი თაობებისთვის“, - თქვა ხატისკაცმა.

თავის მხრივ, საკრებულოს ურბანული განვითარების კომისიის თავმჯდომარის ირაკლი ლაგვილავას თქმით, მსგავსი შეხვედრები ნაყოფიერია და ხელს მათი კომისიის მუშაობასაც უწყობს. ის საზოგადოების წარმომადგენლებს ამ საკითხთან დაკავშირებით მეტი აქტიურობისკენ მოუწოდებს.



„მე ვარ მომხრე გენდერულად მგრძნობიარე პოლიტიკის, თუმცა, ეს უნდა იყოს ბუნებრივი პროცესი. ბევრი წარმატებული ქალი გვყავდა ნამდვილად. მზად ვარ, რომ ჩვენმა კომისიამ ნებისმიერი ინიცატივა მიიღოს და განვიხილოთ. მინდა ვთხოვო საზოგადოების წარმომადგენლებს, ისტორიკოსებს, არასამთავრობო ორგანიზაციების წარმომადგენლებს, რომ ჩაერთონ აქტიურად ამ პროცესში. ჩვენ გავითვალისიწინებთ მათ მიერ მოწოდებულ ღირებულ ინფორმაციას და გადაწყვეტილებებს შესაბამისად მივიღებთ“, - აღნიშნა ლაგვილავამ.

შეხვედრა, რომელსაც ადგილობრივი თვითმმართველობის, არასამათავრობო ორგანიზაციებისა და სამოქალაქო სექტორის წარმომადგენლები დაესწნენ, ქალთა ისტორიის თვის ფარგლებში გაიმართა.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 10 °C
img
ფოთი 13 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.