ზუგდიდის სამხარეო ადმინისტრაციაში არსებულ დარბაზს, სადაც საკრებულოს სხდომები ტარდება, ზვიად გამსახურდიას სახელი მიენიჭა. შესაბამისი გადაწყვეტილება საკრებულოს გუშინდელ სხდომაზე დეპუტატებმა ერთხმად მიიღეს. ინიციატივა ფრაქცია „კონსერვატორების“ ერთ-ერთმა წევრმა კონსტანტინე კაკავამ წარმოადგინა და აღნიშნა, რომ პირველი პრეზიდენტის სახელის მინიჭება წარმომადგენლობითი ორგანოს სხდომათა დარბაზისთვის მნიშვნელოვანია.