სოხუმში, რკინიგზის სადგურთან მომხდარ აფეთქებას ერთი ადამიანის სიცოცხლე ემსხვერპლა. ცხედარი ადგილობრივმა მცხოვრებლებმა იპოვეს და სამართალდამცავებს შეატყობინეს, ამის შესახებ „სპუტნიკ აბხაზიას“ დე ფაქტო რესპუბლიკის ვიცე-პრემიერმა ასლან კობახიამ განუცხადა.

„გარდაცვლილის ვინაობის დადგენა ამ ეტაპზე ვერ ხერხდება. ცხედარი მნიშვნელოვნად არის დაზიანებული“, - უთხრა მან ჟურნალისტებს.

კობახიამ დააზუსტა, რომ შემთხვევა რკინიგზიდან 50-70 მეტრში მოხდა. ის მოუწოდებს მოქალაქეებს, მომხდართან დაკავშირებით, რაიმე სახის ინფორმაციის არსებობის შემთხვევაში, სამართალდამცავებს დაუკავშირდნენ.