რეგიონი
ზუგდიდის თეატრი მაყურებელს სიურპრიზებს უმზადებს (ვიდეო)
ზუგდიდის შალვა დადიანის სახელობის დრამატული თეატრი დროებით სპექტაკლებს კულტურის სახლის შენობაში გამართავს. თეატრს მუნიციპალურ საკუთრებაში არსებული შენობის ნაწილი - სცენა და დარბაზი დაუთმეს. ამჟამად შენობის რეაბილიტაცია მიმდინარეობს.

„აქ რომ შემოვედით, წარმოუდგენლად ცუდი პირობები იყო… შენობას აწვიმდა და სასწრაფოდ გადავხურეთ. საკმაო ხანი მოვანდომეთ ამ ტერიტორიის დასუფთავებას და აქედან ნაგავის გატანას. ათეულობით ტომარა ნაგავი გავიტანეთ ამ შენობიდან... ახლა კედლების შეღებვა და სხვა საჭირო სამუშაოები ტარდება. ასევე, ფართი დაგვითმეს სოციალური სამსახურის ყოფილ შენობაში, თუმცა ესეც არ გვყოფნის. ოთახის ქირაობა დაგვჭირდა კოსტიუმების და სხვა ნივთების შესანახად“, - აღნიშნა თეატრის დირექტორმა ზურაბ ეგუტიამ.

სარეაბილიტაციო სამუშაოების პარალელურად სოციალური სამსახურის ყოფილ შენობაში მსახიობები რეპეტიციებს გადიან. სპექტაკლს „ეზოში ავი ძაღლია", რომელსაც რეჟისორი ოთარ ეგაძე დგამს, მაყურებელი აპრილის დასაწყისში იხილავს.

"ეს სპექტაკლი ათასჯერ დადგმული და გაკეთებულია, თუმცა ჩვენ მგონი რაღაც უფრო მნიშვნელოვანი და საინტერესო ვიპოვეთ კიტა ბუაჩიძის ამ პიესაში. ყველა ერთად ვცდილობთ ჩვენს ჩანაფიქრს მიეცეს არაჩვეულებრივი სახე და სათუთად მოვეპყროთ კიტა ბუაჩისძის მემკვიდრეობას", - აღნიშნა ოთარ ეგაძემ.

კულტურის სახლის შენობის გარე ფასადსა და ინტერიერზე არქიტექტორი ლევან სოლოღაშვილი ზრუნავს. აქ თეატრი 2 წელი დაიდებს ბინას. სოლოღაშვილის თქმით, ეს იქნება არა ჩვეულებრივი თეატრი, არამედ თავისუფალი სივრცე, სადაც ყველა თაობის და გემოვნების ადამიანი თავს კომფორტულად იგრძნობს.

„ზუგდიდელი მაყურებლისთვის ბევრი სიურპრიზი გვაქვს. ეს არ იქნება მარტო თეატრი... ამ ეტაპზე თავს შევიკავებ დეტალების მოყოლისგან. მირჩევნია მოქალაქეებმა თავად ნახონ ის, რაც აქ გაკეთდება“, - თქვა სოლოღაშვილმა.
ამ ეტაპზე მსახიობები სცენას საკუთარი გემოვნებით აწყობენ. უკვე მოაწესრიგეს საგრიმიორო და სხვა ოთახები.

„აქ იქნება კრეატიული სივრცე და რაც მთავარია, მხოლოდ მაყურებლები არ მოვლენ თეატრში, თეატრი მივა მათთან “, - ამბობენ მსახიობები.


რაც შეეხება თეატრის შენობას, სადემონტაჟო სამუშაოები გასული წლის ოქტომბერში დაიწყო. მას კომპანია "ქართუ" და ასოციაცია „ატუ“ ახორციელებს. პროექტის ღირებულება ჯამში 20 მილიონ ლარს შეადგენს.

ამავე თემაზე:

ზუგდიდის თეატრში სადემონტაჟო სამუშაოები მიმდინარეობს (ვიდეო)


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 11 °C
img
ფოთი 11 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.