ახალი ამბები
ყოფილი ბრალდებული: სამმართველოს უფროსად იმ პოლიციელს ნიშნავენ, ვინც უდანაშაულოდ დამაკავა (ვიდეო)
სამეგრელო-ზემო სვანეთის სამხარეო პოლიციის მთავარ სამმართველოსთან მიკროსაფინანსო ორგანიზაცია “ლენდოს” დაყაჩაღების ბრალდებით დაკავებულმა გიორგი კუკავამ, რომელიც რამდენიმე თვის წინ გაათავისუფლეს, ბრიფინგი გამართა. ის ზუგდიდის რაიონული პოლიციის მთავარი სამმართველოს უფროსად ამჟამინდელი მოადგილის გიორგი გვილავას შესაძლო დანიშვნას აპროტესტებს და ამბობს, რომ ამ ფორმით შინაგან საქმეთა მინისტრს, რომელიც დღეს სამხრეო პოლიციის შენობაში იყო, ინფორმაციას აწვდის. კუკავა ამბობს, რომ გვილავას გამო ის 8 თვეზე მეტი ხნის განმავლობაში პატიმრობაში უკანონოდ იყო და ის თანამდებობაზე არ უნდა ინიშნებოდეს.

“მინდა, მინისტრს ხმა მივაწვდინო, რომ გვილავა და მსგავსი არაპროფესიონალები არ დაინიშნოს ასეთ თანამდებობაზე. მისი საქმე უკვე პროკურატურაშია და მან პასუხი უნდა აგოს. მან და ლევან კვირკვაიმ უკანონოდ დამაკავეს და მტკიცებულებები გააყალბეს”, - აღნიშა კუკავამ.

მისივე თქმით,  გვილავასა და კვირკვაიას წინააღმდეგ მან პროკურატურაში სარჩელი შეიტანა და საქმეზე გამოძიება მიმდინარეობს. გარდა ამისა, აღნიშნულთან დაკავშირებით მან სტრასბურგის სასამართლოსაც მიმართა.

შს სამინისტროში აღნიშნულთან დაკავშირებით კომენტარს არ აკეთებენ.



გიორგი კუკავა გასული წლის 16 მარტს "ლენდოს" ყაჩაღობის ბრალდებით დააკავეს. იგი ზუგდიდის რაიონულმა სასამართლომ რვა თვის შემდეგ გაათავისუფლა და მას ბრალდება მოუხსნა. კუკავას მტკიცებით, ის თვეების მანძილზე უდანაშაულოდ იყო დაკავებული. ის ასევე სამართალდამცავების მხრიდან უფლებამოსილების გადამეტებაზეც საუბრობს და ამბობს, რომ მისი დაკავება ფაქტების გაყალბებით მოხდა, რაზეც მან პროკურატურას უჩივლა.



მიმდინარე წლის მარტში კი „ლენდოს" ყაჩაღობაში ბრალდებული პირი ზ.ფ. სასამართლომ დამნაშავედ ცნო და მას 5 წლითა და 4 თვით თავისუფლების აღკვეთა მიუსაჯა. პროკურატურის ინფორმაციით, სასამართლოში წარდგენილი მტკიცებულებებით დადასტურდა, რომ 2017 წლის 16 მარტს, ზ.ფ. მივიდა ქ.ზუგდიდში მდებარე მიკროსაფინანსო ორგანიზაცია „ლენდოში" და თანამშრომლების მიმართ იარაღის დემონსტრირებით და სიცოცხლის მოსპობის მუქარით დაეუფლა მიკროსაფინანსო ორგანიზაცია „ლენდოს" კუთვნილ თანხას - 5 055 ლარის ოდენობით და შემთხვევის ადგილიდან მიიმალა.

ამავე თემაზე:

ზუგდიდში "ლენდოს" ყაჩაღობის ფაქტზე ბრალდებული დამნაშავედ ცნეს



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 11 °C
img
ფოთი 16 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.