ახალი ამბები
ფინანსთა მინისტრმა ზუგდიდში მცირე მეწარმეებს ახალი საგადასახადო ინიციატივა გააცნო (ვიდეო)
ფინანსთა მინისტრი მამუკა ბახტაძე ზუგდიდში სამხარეო ადმინისტრაციის შენობაში სამეგრელო-ზემო სვანეთის მცირე მეწარმეებს შეხვდა და ახალი საგადასახადო ინიციატივების შესახებ ისაუბრა. მასთან ერთად მეწარმეებს ახალი სისტემა მცირე და საშუალო მეწარმეთა ასოციაციის პრეზიდენტმა მიხეილ ჭელიძემ გააცნო.
მინისტრის თქმით, სამეგრელოს აქვს რესურსი, რომ აღნიშნული რეფორმა გამოიყენოს და სხვადასხვა პოტენციალი, მათ შორის, ტურიზმის კუთხით, განავითაროს.

"ეს არის უპრეცედენტო მოვლენა მსოფლიო ეკონომიკის ისტორიაში საგადასახადო თვალსაზრისით. ხუთჯერ მცირდება გადასახადი 5%-დან 1%-მდე მაშინ, როდესაც ხუთჯერ იზრდება ზღვარი მცირე და საშუალო მეწარმეებისთვის. სამეგრელოს აქვს ძალიან კარგი პოტენციალი, იმისთვის რომ აღნიშნული საგადასახადო რეფორმა ძალიან კარგად გამოიყენოს. ჩვენ მნიშვნელოვან პროგრესს ვხედავთ სამეგრელოში ტურიზმის ზრდის კუთხით, ასევე, სამეგრელოში ხორციელდება ყველაზე მსხვილი ინფრასტრუქტურული პროექტი საქართველოში - ანაკლიის ღრმაწყლოვანი პორტის სახით, სადაც მე იმედი მაქვს, საშუალება იქნება, რომ მცირე და საშუალო ბიზნესმა შეძლოს თავისი პოტენციალის რეალიზება“, - უთხრა ჟურნალისტებს მინისტრმა.

გარდა ამისა, მან მსგავსი შეხვედრების მნიშვენლობაზე ისაუბრა და აღნიშნა, რომ რეგიონებში გამართული შეხვედრები რეფორმის დასახვეწად მნიშვნელოვანია.



ამავე შეხვედრაზე რეფორმასთან დაკავშირებით მეწარმეების კითხვებს უპასუხეს.

მეწარმე კახა კვესელავამ, რომელიც მარტვილიდან ჩამოვიდა, აღნიშნა, რომ აზიური ფაროსანას გამო თხილის მეწარმეებს ფინანსური პრობლემები შეექმნათ. მისი თქმით, აღნიშნულმა პრობლემებმა თხილის ექსპორტზეც იმოქმედა და მთავრობას გარკვეული კუთხით დახმარება სთხოვა.



„ხარისხი დაეცა, ამიტომაც ევროპაში ჩვენს თხილს, ასე ვთქვათ, სახელი გაუფუჭდა. ახლა სახელმწიფო ჩართულობაა საჭირო, რადგან ბრუნვისთვის თანხები მეწარმეების უმრავლესობას არ აქვს. მივდივართ ბანკში და გროვდება ვალები. ვფიქრობ, რომ სახელმწიფომ, გვიშუამდგომლოს ბანკებთან, რომ გარკვეული შეღავათები დაწესდეს და საკითხი დარეგულირდეს“, - აღნიშნა კახა კვესელავამ.

შეხვედრას გუბერნიის შენობაში მეწარმეებთან ერთად ადგილობრივი ხელისუფლების წარმომადგნლები და მუნიციპალიტეტების მერები დაესწრნენ.

ფინანსთა სამინისტროს ინფორმაციით, ახალი საგადასახადო სისტემა სულ 120 000-მდე მეწარმე ფიზიკურ პირს შეეხება. ინიციატივის ფარგლებში, მცირე ბიზნესის სტატუსი მიენიჭებათ მეწარმეებს, რომელთა ერთობლივი შემოსავალი წლის განმავლობაში 500 000 ლარამდე იქნება, მცირე ბიზნესის დასაბეგრი შემოსავალი კი 5%-ის ნაცვლად, 1 %-იანი გადასახდით დაიბეგრება.

2023 წლის 1 იანვრამდე გადავადდება მოგების გადასახადის ახალ მოდელზე გადასვლა საფინანსო სექტორისთვის - ბანკები, საკრედიტო კავშირები, სადაზღვევო ორგანიზაციები, მიკროსაფინანსო ორგანიზაციები და ლომბარდები.

რეფორმის მიზანი მცირე ბიზნესის ხელშეწყობაა, რაც თავის მხრივ, სექტორის მეტ გამჭვირვალობას და ფინანსურ რესურებზე მეტ წვდომას გულისხმობს.


Print Email
FaceBook Twitter
დღის სიახლეები
19 / მაისი 2019
#9 საარჩევნო უბანზე ერთ-ერთმა დამკვირვებელმა უბნის დახურვის შემდეგ თავი შეუძლოდ იგრძნო.
19 / მაისი 2019
გაერთიანებული ოპოზიციის ერთ-ერთ ლიდერი თინა ბოკუჩავა #9 უბნიდან სამართლადმცავებმა ძალის გამოყენებით გაიყვანეს.
19 / მაისი 2019
ონლაინ გამოცემა Presa.ge-ის დამფუძნებელი და რედაქტორი გიორგი კაპანაძე გაათავისუფლეს. მან ფოთის პოლიციის შენობა ცოტა ხნის წინ დატოვა.
საზოგადოება
ხურჩა-ნაბაკევის ე.წ. საზღვარზე გიგა ოთხოზორიას მკვლელობიდან დღეს, 19 მაისს, სამი წელი გავიდა.
ტერაბანკმა კონკრეტულ სეგმენტზე მორგებული კიდევ ერთი ახალი პროდუქტი შექმნა. ამჯერად ბანკი მარტივად სესხით სარგებლობის შესაძლებლობას იმ მომხმარებლებს აძლევს, რომლებიც კერძო რეპეტიტორულ საქმიანობას ეწევიან.
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ზუგდიდში ზვიად გამსახურდიას სახელობის ახალგაზრდული ცენტრისა და საპრეზიდენტო ბიბლიოთეკის
გამოკითხვა
ზუგდიდის მერობის რომელ კანდიდატს მისცემთ ხმას?
არქივი
ამინდი
ზუგდიდი 20 °C
img
სოხუმი 21 °C
img
ფოთი 20 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.