ახალი ამბები
სენაკის მერიიდან გათავისუფლებული საჯარო მოხელეების ნაწილმა საიას მიმართა
სენაკის მუნიციპალიტეტის მერიიდან გათავისუფლებული 13 თანამშრომელი საკუთარი პოზიციებზე მაისიდან აღარ იმუშავებს. მათ შესაბამისი გაფრთხილების წერილი მიუვიდათ. ორმა მათგანმა უკვე მიმართა საქართველოს ახალგაზრდა იურისტთა ასოციაციას. საიას ადგილობრივი ოფისის ხელმძღვანელის ჯემალ ჭკადუას ინფორმაციით, მათ მერიის კულტურის სამსახურის თანამშრომელმა განუმარტა, რომ ისინი კანონების დარღვევით გაათავისუფლეს.

„ერთიანდება მერიის კულტურისა და სპორტის სამსახურები. როგორც მათ გვითხრეს, ჩატარდა გასაუბრება, რომელსაც ესწრებოდა მერი. ლევან კუპრეიშვილი არ იყო კომისიის წევრი, მაგრამ კითხვებს მხოლოდ ის სვამდა. ამის შემდეგ კი, როგორც გვეუბნებიან, მიუვიდათ გაფრთხილება სამსახურიდან გათავისუფლების შესახებ“, - უთხრა რადიო „ათინათს“ ჭკადუამ.

გასაუბრებასთან და რეორგანიზაციასთან დაკავშირებით პრეტენზია არ აქვს სპორტისა და ახალგაზრდობის სამსახურის მესამე კატეგორიის უფროს სპეციალისტს ლევან სირიას. ის ამბობს, რომ გასაუბრებით კმაყოფილია და მერის მიერ მიღებულ გადაწყვეტილებას ნდობას უცხადებს.

„მიუხედავად იმისა, რომ მე ვარ კვალიფიციური საჯარო მოხელე და ვთვლი, რომ უნდა ვიყო საჯარო სამსახურში, აბსოლუტურად ვეთანხმები რეორგანიზაციას. ველოდები სხვა თანამდებობაზე შემოთავაზებას, თუმცა, თუ ასე არ მოხდა, ესეც მესმის. მერი ახალგაზრდა კაცია და თავად მიიღებს გადაწყვეტილებას“, აღნიშნა სირიამ.

თავის მხრივ, სენაკის მერი ლევან კუპრეიშვილი ამბობს, რომ თანამშრომლების გაშვების ერთადერთი მიზეზი რეორგანიზაცია და ოპტიმიზაციაა.

„კანონის სრული დაცვით ჩატარდა რეორგანიზაცია, მათ შორის, გასაუბრებაც და თანამშრომლებს შესაბამისად გაეგზავნათ გაფრთხილებები. შეერთდა კულტურისა და სპორტის სამსახური და თანამშრომელთა რაოდენობა გახდა გადასახედი. ჩვენი მიზანია, რომ სამსახურში დარჩნენ ის თანამშრომლები, რომელთაც აქვთ მეტი დატვირთვა და უფრო დავაფასოთ ისინი, ვისაც მეტი წვლილი აქვს მუნიციპალიტეტის განვითარებაში. სწორედ ასეთი ადამიანები დარჩებიან მიუხედავად მათი პოლიტიკური შეხედულებებისა“, - აღნიშნა კუპრეიშვილმა.

სენაკის მერის ინფორმაციით, რეორგანიზაცია ააიპებშიც არის დაგეგმილი.


Print Email
FaceBook Twitter
დღის სიახლეები
21 / სექტემბერი 2019
ხობის მუნიციპალიტეტის სოფელ ახალ ხიბულაში ლოკოკინების ფერმა „ნადი გრუპი“ გაიხსნა. ის სახელმწიფოს დახმარებით, „ერთიანი აგროპროექტის“ ფარგლებში აშენდა.
20 / სექტემბერი 2019
ზუგდიდის სოფელ კოკში, ერთიანი აგროპროექტის ფარგლებში, თხილის საშრობ-სასაწყობო ახალი საწარმო გაიხსნა. საშრობის წარმადობა 1 000 ტონას,
20 / სექტემბერი 2019
ზუგდიდში, კომბინატის დასახლებაში მშენებარე სტადიონის მეორე ეტაპის სამშენებლო სამუშაოებისთვის გამოცხადებულ ტენდერში გამარჯვებული გამოვლინდა.
საზოგადოება
{{ARTICLEIMAGE}}„ფიფლ ინ ნიდმა“ პროექტის “სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად“ დახურვის ღონისძიება მოაწყო.
NDI-ის კვლევის თანახმად, გამოკითხულთა უმრავლესობა მთავრობის საქმიანობას უარყოფითად აფასებს. კერძოდ, რესპონდენტთა 60 %-ის აზრით, მთავრობა "ცუდად" მუშაობს,
NDI-ის მიერ 13-და 29 ივლისის ჩათვლით ჩატარებული კვლევის თანახმად, გამოკითხულთა 61% დაუსაქმებელია.
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 17 °C
img
ფოთი 17 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.