ზუგდიდში ოქროს ბირჟის მძარცველი, რომელმაც დიდი ოდენობით ძვირფასეულობა გაიტაცა, ამ დრომდე არ დაუკავებიათ. შს სამინისტროს ცნობით, მის დასაკავებლად აქტიური სამძებრო მოქმედებები მიმდინარეობს.

გუშინ, დაახლოებით 16:00 საათზე, ოქროს ბირჟის ერთ-ერთი დახლიდან ახალგაზრდა მამაკაცმა ე.წ. ბალიშზე განთავსებული ოქროს ნივთები მთლიანად გაიტაცა. მძარცველს გამყიდველები და პოლიციის თანამშრომლებიც გაეკიდნენ, თუმცა მისი დაკავება ვერ მოხერხდა.

ფაქტზე გამოძიება სს კოდექსის 178-ე მუხლით არის აღძრული, რაც ძარცვას გულისხმობს.

ამავე თემაზე:

ზუგდიდში პოლიციელი მძარცველის დევნისას დაშავდა