ზუგდიდში ოქროს ბირჟის მძარცველის დევნისას დაშავებული სამართალდამცავი, რომელიც, სავარაუდოდ, კარებს შეეჯახა, ამ დრომდე საავადმყოფოში რჩება.

ზუგდიდის რეფერალური ჰოსპიტალის სამედიცინო მენეჯერის სულხან ორჟონიას ინფორმაციით, პაციენტის მდგომარეობა დამაკმაყოფილებელია.

გუშინ, დაახლოებით 16:00 საათზე, ოქროს ბირჟის ერთ-ერთი დახლიდან ახალგაზრდა მამაკაცმა ე.წ. ბალიშზე განთავსებული ოქროს ნივთები მთლიანად გაიტაცა. მძარცველს გამყიდველები და პოლიციის თანამშრომლებიც გაეკიდნენ, თუმცა მისი დაკავება ვერ მოხერხდა.

ფაქტზე გამოძიება სს კოდექსის 178-ე ძარცვის მუხლით არის აღძრული.

ამავე თემაზე:

ოქროს ბირჟის მძარცველს ამ დრომდე ეძებენ