რეგიონი
კვლევა: გამოკითხულთა 90% დევნილთა შემწეობის შენარჩუნებას ითხოვს (ვიდეო)
საზოგადოებრივმა ორგანიზაცია „საუნჯემ“ დევნილთა შემწეობის საკითხის მნიშვნელობის შესახებ კვლევის პრეზენტაცია გამართა. ორგანიზაციის ხელმძღვანლის იაგო ფასანძის თქმით, ზუგდიდში, ფოთსა და გალში სულ 235 დევნილი გამოიკითხა. კვლევის მიხედვით, გამოკითხულთა 25% საცხოვრებელი ფართით დაკმაყოფილებულია, თუმცა მათ არ გააჩნიათ საარსებო წყარო და მთლიანად დამოკიდებულები არიან დევნილთა შემწეობაზე. გამოკითხულთა 70%-ს არ გააჩნია ინფორმაცია იძულებით გადაადგილებულ პირთა განსახლებისა და დევნილთა სამინისტროს მიერ შემუშავებული 4 ალტერნატივის შესახებ. ამავე გამოკითხვის თანახმად, რესპოდენტების 90% ფულადი შემწეობის შენარჩუნებას ითხოვს.

„კვლევის მიზანი იყო შეგვესწავლა,რამდენად დიდი მნიშვნელობა აქვს დევნილთა შემწეობას მათთვის და რას ფიქრობენ ისინი სახელმწიფოს მიერ შემოთავაზებულ რეფორმაზე. ჩვენ შევისწავლეთ დევნილთა დამოკიდებულება და ვაწარმოებთ ადვოკატირების კამპანიას იმისთვის, რომ დაცული იქნეს დევნილთა უფლებები და სახელმწიფოს მიერ არ იქნეს ისეთი გადაწყვეტილების მიღება, რომელიც მათთვის მტკივნეული იქნება“, - აღნიშნა ფასანძემ.

შეხვედრაზე საზოგადოებრივი ორგანიზაციის წარმომადგენლები იმყოფებოდნენ, რომლებმაც აღნიშნულ საკითხზე იმსჯელეს და სამომავლო გეგმებზე ისაუბრეს. მათი შეფასებით, დევნილთა სამინისტროს მიერ შემუშავებული რეფორმა, რომლის მიხედვითაც დევნილებისთვის შემწეობის გაცემის წესი იცვლება, ნაჩქარევია და გადახედვას საჭიროებს.

კვლევა "საუნჯეს" პროექტის "მოქალაქეთა ჩართულობა დევნილის შემწეობის რეფორმის პროცესში" ფარგლებში მომზადდა, რომელიც ლტოლვილთა დანიის საბჭოს და სამოქალაქო საზოგადოების გაერთიანების ფონდის (CIUS) მხარდაჭერით განხორციელდა.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 20 °C
img
ფოთი 18 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.