პოლიტიკა
ენმ: მერია გაჭირვებულების დახმარების ნაცვლად ივანიშვილის ხეების ტრანსპორტირებას აფინანსებს (ვიდეო, ფოტო)
„ერთიანი ნაციონალური მოძრაობის“ ზუგდიდის ოფისის თავმჯდომარის ანა წითლიძის მტკიცებით, ადგილობრივმა მერიამ „ქართული ოცნების“ თავმჯდომარის ბიძინა ივანიშვილის მიერ ხეების ტრანსპორტირებისთვის 2 მილიონ ლარზე მეტი დახარჯა. ამის შესახებ მან სამეგრელო-ზემო სვანეთის სამხარეო ადმინისტრაციის შენობის წინ გამართულ ბრიფინგზე განაცხადა. წითლიძე ამბობს, რომ მერიამ ტენდერები მხოლოდ იმ გზების გასაკეთებლად გამოაცხადა, რომელიც ხეებმა დანიშნულების ადგილამდე უნდა გაიარონ. გარდა ამისა, მისივე თქმით, მერიამ იმ 74 შუამდგომლობაზე თქვა უარი, რომლითაც ოპოზიციური ფრაქცია სოციალურად დაუცველების დახმარებას ითხოვდა. მან ჟურნალისტებს შესაბამისი დოკუმენტაციაც წარუდგინა.



„ზუგდიდის მერიამ არ დააკმაყოფილა 74 შუამდგომლობა, რომელშიც უმწეო, მრავალშვილიანი შშმ პირების დახმარებას ვითხოვდით. ისინი უკიდურეს სიღარიბეში ცხოვრობენ და მერიამ მათ დაფინანსებაზე უარი იმ მოტივით გვითხრა, რომ შესაბამისი თანხა არ აქვთ, სამაგიეროდ, გაჭირვებული ხალხის ხარჯზე მილიარდელი ივანიშვილის ხეების ტრანსპორტირების საჭირო გზის შეკეთება დააფინანსეს, რისთვისაც 2 მილიონ ლარზე მეტი გამოიყო. ამასთან, განადგურებულია ინფრასტრუქტურა, პარალიზებულია მოძრაობა და მოსახლეობა დარჩენილია ელექტროენერგიის გარეშე“, - აღნიშნა წითლიძემ.

მან ადგილობრივ ხელისუფლებას მოუწოდა, რომ შეწყვიტონ ივანიშვილის ხეების ტრანსპორტირების დაფინანსება და დაეხმარონ სოციალურად დაუცველ ოჯახებს.



წითლიძის ბრალდებებს იქვე უპასუხა საკრებულოს თავმჯდომარის მოადგილემ თაზო ფაცაციამ, რომელმაც თქვა, რომ მთავარი არა პრობლემების აფიშირება და მათზე აპელირება, არამედ ინდეტიფიცირება და მოგვარებაა.


„ჩვენ ამ ადამიანებს სახლებს ვუშენებთ და ყველას, ვინც იქნება ასეთი უმწეო, ვეხმარებით, რაც არ ყოფილა 9 წლის მანძილზე. ყველას მიეცემა ადამიანურად ცხოვრების საშუალება“, - დასძინა ფაცაციამ.

ზუგდიდის მერიაში კი კომენტარს არ აკეთებენ, წითლიძის ბრალდებებს კი აბსურდულ განცხადებები“ და „სიზმრები“ უწოდეს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 14 °C
img
ფოთი 16 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.