ახალი ამბები
წითლიძე:სუს-მა საქმეებზე,რომლებშიც ზუგდიდელი მაღალჩინოსნები ფიგურირებენ,სისხლის სამართლის საქმე აღძრა
სახელმწიფო უსაფრთხოების სამსახურმა სამეგრელოში ადგილობრივი მაღალჩინოსნების კორუფციულ გარიგებებზე სისხლის სამართლის საქმე აღძრა. ამის შესახებ რადიო „ათინათს“ „ერთიანი ნაციონალური მოძრაობის“ ზუგდიდის ორგანიზაციის თავმჯდომარემ ანა წითლიძემ უთხრა. მისი ინფორმაციით, საქმე ეხება ოთხ საქმეს, რომელშიც სამეგრელო-ზემო სვანეთის გუბერნატორიც ფიგურირებს.

„ყინულის სახლი, კონტრაბანდა, მეოთხე საჯარო ბაღი, თაუნ პარკი - ეს ის საქმეებია, რომელზეც უკვე სისხლის სამართლის გამოძიება მიმდინარეობს. მე დღეს სწორედ სუს-ის გამომძიებელმა დამკითხა მოდულის შენობაში. მას ყველა ინფორმაცია მივაწოდე, ასევე, გარკვეული დოკუმენტაციაც წარვუდგინე. გარდა ამისა, მათ მთხოვეს იმ მოქალაქეებთან დაკავშირება, ვინც აღნიშნულთან დაკავშირებით ინფორმაცია მოგვაწოდა“, - აღნიშნა წითლიძემ.

მისივე თქმით, მომავალ კვირაში ის ამ ოთხ და დარჩენილ სამ საქმესთან დაკავშირებითაც დაიკითხება, ამასთან. წითლიძის მტკიცებით, სახელმწიფო უსაფრთხოების სამსახური გუბერნატორ ლევან შონიას დაკითხვასაც გეგმავს.

რადიო „ათინათი“ ინფორმაციის დასაზუსტებლად სახელმწიფო უსაფრთხოების სამსახურს დაუკავშირდა. სუს-ის კომენტარს მოგვიანებით შემოგთავაზებთ.

„ერთიანი ნაციონალური მოძრაობის“ ზუგდიდის ორგანიზაციის თავმჯდომარე ანა წითლიძემ პარტიის ადგილობრივ ოფისში 10 დღი წინ გამართულ ბრიფინგზე განაცხადა, რომ ზუგდიდში კორუფციულ გარიგებებზე პროკურატურამ გამოძიება დაიწყო. საქმე კი ადგილობრივი ხელისუფლების მაღალი თანამდებობის პირებსა და მათთან დაკავშირებულ საქმიანობას ეხებოდა. გარდა ზემოთ ჩამოთვლილი ოთხი საკითხისა, საუბარი იყო რუხში გლეხებისთვის მიწების წართმევის ფაქტებზე, კორცხელსა და ალერტკარში ჭაბურღილების პრობლემაზე.

თავის მხრივ, გუბერნატორის ადმინისტრაციაში ბრალდებებს კატეგორიულად უარჰყოფენ. აღნიშნულთან დაკავშირებით სამეგრელო-ზემო სვანეთის გუბერნატორმა ლევან შონიამ ენმ-ის სამეგრელოს ორგანიზაციის ლიდერს მურთაზ ზოდელავასა და ანა წითლიძეს „პატივის, ღირსების და საქმიანი რეპუტაციის შემლახველი“ ცნობების გავრცელებისთვის“ სასამართლოში უჩივლა.

ამავე თემაზე:

ანა წითლიძე მთავარ პროკურატურაში გამოკითხვაზე დაიბარეს
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 19 °C
img
ფოთი 18 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.