რეგიონი
ფეხბურთის ჩემპიონატთან დაკავშირებით აფხაზეთში „უვიზო რეჟიმი“ ამოქმედდა
ფეხბურთში მსოფლიო ჩემპიონატის მსვლელობის პერიოდში აფხაზეთში უცხოეთის მოქალაქეებისთვის დროებით, „უვიზო რეჟიმი“ ამოქმედდება. შესაბამის ბრძანებას რაულ ხაჯიმბამ მოაწერა ხელი. ამის შესახებ განცხადებას დე ფაქტო რესპუბლიკის პრეზიდენტის ოფიციალური ვებგვერდი ავრცელებს.

„რუსეთის ტერიტორიაზე ფეხბურთის მსოფლიო ჩემპიონატის ჩატარებასთან დაკავშირებით, 15 ივნისიდან 1-ლი აგვისტოს ჩათვლით, უცხოელ მოქალაქეებს ნება მიეცეთ ტურისტული მიზნებისთვის შემოვიდნენ აფხაზეთ-რუსეთის საზღვარზე ვიზების მიღების აუცილებლობის გარეშე“, - ნათქვამია განცხადებაში.

დოკუმენტში აღნიშნულია, რომ ბრძანება არ ვრცელდება საქართველოს მოქალაქეებზე.

ფეხბურთის მსოფლიო ჩემპიონატი რუსეთში 14 ივნისიდან 15 ივლისის ჩათვლით გაიმართება. რაულ ხაჯიმბა და ე.წ. სამხრეთ ოსეთის პრეზიდენტი ანატოლი ბიბილოვი, პუტინის მიერ მოსკოვში მსოფლიო ჩემპიონატზე მიწვეული სტუმრების სიაში არიან.

დე ფაქტო აფხაზეთის რესპუბლიკის ტერიტორიაზე გადაადგილებისთვის სავიზო რეჟიმის დაწესებას ითვალისწინებს კანონი „აფხაზეთის რესპუბლიკაში შესვლისა და გამოსვლის შესახებ“, რომელიც 2016 წლის 1 აპრილს ამოქმედდა. აღნიშნული დოკუმენტის მიხედვით, სავიზო რეჟიმი ვრცელდება უცხოეთის ქვეყნების იმ მოქალაქეების მიმართ, რომლებთანაც დე ფაქტო რესპუბლიკას არ აქვს გაფორმებული „სამთავრობათშორისი შეთანხმება ორმხრივი უვიზო მიმოსვლის შესახებ“.

მანამდე მოქმედი რეჟიმი აფხაზეთის ტერიტორიაზე უვიზო მიმოსვლის უფლებას აძლევდა ყოფილი საბჭოთა კავშირის ისეთ ქვეყნებს, როგორებიცაა რუსეთი, ბელორუსია, ყაზახეთი, ყირგიზეთი, მოლდავეთი, ტაჯიკეთი, უზბეკეთი, უკრაინა, სომხეთი, აზერბაიჯანი, თურქმენეთი და ასევე სამხრეთ ოსეთისა და დნესტრისპირეთის თვითაღიარებული რესპუბლიკები. უვიზო რეჟიმი ვრცელდებოდა ასევე ვენესუელაზე, ნიკარაგუაზე, ვანუატუსა და ნაურუზე.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 15 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.