ქალი, რომელიც გუშინ ზუგდიდში ძმამ დაჭრა საავადმყოფოდან, სავარაუდოდ, დღეს გაეწერება. მედიკოსების ინფორმაციით, მისი ჯანმრთელობის მდგომარეობა დამაკმაყოფილებელია. დადიანების მუზეუმის ეზოში ძმამ და შელაპარაკების ნიადაგზე ბლაგვი საგნით დაჭრა. ქალს ორი ჭრილობა გულ-მკერდის და მხრის არეში აღენიშნება.

არსებული ინფორმაციით, და-ძმის კამათის მიზეზი ქალის ვალები გახდა, რომელიც მას ოჯახისგან მალულად ჰქონდა აღებული.

მომხდართან დაკავშირებით, გამოძიება შინაგან საქმეთა სამინისტრომ 11 პრიმა 117-ე მუხლით დაიწყო, რაც  ოჯახის ერთი წევრის მიერ ოჯახის სხვა წევრის ჯანმრთელობის განზრახ მძიმე დაზიანების გულისხმობს. აღნიშნული მუხლი 3-დან 6 წლამდე თავისუფლების აღკვეთას ითვალისწინებს.

ამავე თემაზე:


ზუგდიდში ძმის მიერ დის დაჭრის ფაქტზე გამოძიება ოჯახური დანაშაულის მუხლით დაიწყო