მორიგი დაკავებები ზუგდიდში უაქციზო სიგარეტის რეალიზაციის ბრალდებით
ფინანსთა სამინისტროს საგამოძიებო სამსახურმა უაქციზო სიგარეტის
შენახვა-გადაზიდვა-რეალიზაციის ფაქტებზე ზუგდიდში 3 პირი დააკავა.
საქართველოს ფინანსთა სამინისტროს საგამოძიებო სამსახურიდან ცნობით,
ამოღებული უაქციზო სიგარეტების საერთო საბაზრო ღირებულება 18 000 ლარს
აღემატება
"საგამოძიებო მოქმედებების შედეგად, დადგინდა, რომ სამ შემთხვევაში,
სამეგრელო-ზემო სვანეთის რეგიონში, ბრალდებულები შემდგომი რეალიზების
მიზნით სხვადასხვა დასახელების, საერთო ჯამში, 4 360 კოლოფი უაქციზო
სიგარეტის შენახვა-გადაზიდვას ახდენდნენ. მეოთხე ფაქტი კი ქვემო
ქართლის რეგიონში გამოვლინდა, სადაც ამოღებულია სარეალიზაციოდ
გამზადებული 2 500 კოლოფი უაქციზო სიგარეტი", - ნათქვამია უწყების
მიერ გავრცელებულ ინფორმაციაში.
გამოძიება მიმდინარეობს საქართველოს სისხლის სამართლის კოდექსის
მე-200 მუხლის მე-2 ნაწილით, რაც სასჯელის სახით ითვალისწინებს
თავისუფლების აღკვეთას 4-დან 6 წლამდე ვადით.
მასალის გამოყენების პირობები