ახალი ამბები
სოფელ ხურჩაში ოკუპაციის მუზეუმი გაიხსნა (ფოტო, ვიდეო)
ზუგდიდის მუნიციპალიტეტის სოფელ ხურჩაში, რომელიც ოკუპირებულ აფხაზეთს ესაზღვრება, პრეზიდენტის ადმინისტრაციის ინიციატივით ოკუპაციის მუზეუმი გაიხსნა. შესაბამისი კუთხე სოფლის ბიბლიოთეკის შენობაში მოეწყო და მას ორი ოთახი დაეთმო. მუზეუმი პრეზიდენტის ადმინისტრაციის ხელმძღვანელმა გიორგი აბაშიშვილმა გახსნა.



აბაშიშვილმა აღნიშნა, რომ მსგავსი დაწესებულებების გახსნა დეოკუპაციის საკითხთან დაკავშირებით ცნობიერების ამაღლებისთვის მნიშვნელოვანია.



„ერთი წლის წინ გაჩნდა იდეა ოკუპაციის მუზეუმის გახსნისდა ამისთვის პრეზიდენტის სარეზერვო ფონდიდან გამოიყო ფინანსები. მსგავსი მუზეუმი გავხსენით გორში, კასპში, ქარელსა და ხაშურში. სამეგრელოში ეს არის პირველი მუზეუმი, რომელიც აუცილებელია. ამ ეტაპზე აქ მხოლოდ ფოტომასალაა გამოფენილი, თუმცა მომავალში აქ არაერთი დისკუსია მოეწყობა სწორედ დეოკუპაციაზე, რომელიც თითოეული ჩვენგანისთვის დიდი ტკივილია. აუცილებლად ვგეგმავთ გაფართოებასაც“, - აღნიშნა აბაშიშვილმა.



ოკუპაციის მუზეუმის გახსნას მიესალმებიან ხურჩელები, რომლებიც დღეს ადგილზე იმყოფებოდნენ. მათი თქმით, შენობაში, რომელიც გარკვეული პერიოდის განმავლობაში ლტოლვილთა პირველი საშუალო სკოლის ფუნქციას ითავსებდა, ამ ტიპის კუთხის გახსნა ნიშანდლობლივია.



„ნიშანდობლივი და მისასალმებელია, რომ ხურჩაში გაიხსნა ეს მუზეუმი, რადგან ჩვენმა სოფელმა, მისმა მოსახლეობამ რთული გზა გაიარა. ხურჩა ენგურს გამოღმა პატარა სოფელია და არ აქვს თავდაცვითი უნარი. ოთხჯერ მოუწია ამ სოფლის დატოვება ადამიანებს ცნობილი მოვლენების დროს“, - აღნიშნა ჯამბულ ეხვაიამ.

პრეზიდენტის ადმინისტრაციას მადლობა გადაუხადა ზუგდიდის მერიის ააიპ „ბიბლიოთეკების მართვის ცენტრის“ დირექტორმა მადონა მაქაცარიამ. მისი თქმით, მუზეუმის სახელწოდება „არვის ჩვენი მიწა“ თავად შეარჩია.



„ე.წ. მოსაზღვრე სოფლებში მცხოვრებლების გაღიზიანება რომ არ გამოგვეწვია, სიტყვა „საოკუპაციო“, რომელიც არ ჟღერს კარგად, შევცვალეთ და ჩვენს კუთხეს დავარქვით „არვის ჩვენი მიწა“. პრეზიდენტის ადმინისტრაციასთან ჩვენი მჭიდრო თანამშრომლობის შედეგია, რასაც აქ ხედავთ“, - თქვა მაქაცარიამ.



მუზეუმში, რომლისთვის ბიბლიოთეკის შენობაში ამ ეტაპზე ორი ოთახი გამოიყო, აფხაზეთის ომისა და შემდგომი პერიოდის მოვლენები ქრონოლოგიურად არის ასახული. მათ შორის, წარმოდგენელია 2016 წლის ხურჩა-ნაბაკევის ადმინისტრაციულ საზღვართან მოკლული გიგა ოთხოზორიას შესახებ ინფორმაციაც.



მუზეუმი პრეზიდენტის სარეზერვო ფონდის დაფინანსებით, პროექტის "ოკუპაციის მუზეუმები გურიასა და სამეგრელოში" ფარგლებში შეიქმნა.

ამავე თემაზე:

ხურჩაში პრეზიდენტის ფონდის ხელშეწყობით ოკუპაციის მუზეუმი გაიხსნება


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
შენი საუკეთესო მომავლისთვის
28 / მარტი 2024
მთავარი საინფორმაციო გამოშვება
არქივი
ამინდი
ზუგდიდი 19 °C
img
სოხუმი 15 °C
img
ფოთი 16 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.