ახალი ამბები
სამეგრელო და იმერეთი ერთობლივ ტურისტულ პროექტებზე მუშაობენ
სამეგრელო-ზემო სვანეთში ინტერმუნიციპალური და ინტერრეგიონალური ტურისტული პროექტების განხორციელება იგეგმება. ინფორმაციას სამეგრელო-ზემო სვანეთის გუბერნატორის პრესსამსახური ავრცელებს. ამავე ცნობით, ახალ ტურისტულ მარშრუტებზე და განსახორციელებელ პროექტებზე სამუშაო შეხვედრა მარტვილში გაიმართა, რომელსაც სამეგრელო-ზემო სვანეთის გუბერნატორი ლევან შონია და იმერეთის გუბერნატორის მოვალეობის შემსრულებელი გრიგოლ დალაქიშვილი ესწრებოდნენ.

შეხვედრაზე მათ მარტვილის და ხონის მუნიციპალიტეტებში ერთობლივად განსახორციელებელ ტურისტულ პროექტებზე ისაუბრეს. პრესსამსახურის ინფორმაციით, შექმნილი სამუშაო ჯგუფი ორ კვირაში ახალ ტურისტულ მარშუტებსა და არსებულ საჭიროებებზე პირველადი მოკვლევის შედეგების პრეზენტაციას გამართავს. სახელმწიფო რწმუნებულების აპარატებთან და მუნიციპალიტეტებთან ერთად სამუშაო ჯგუფში გეოგრაფები, სპელეოლოგები და დარგის სპეციალისტები შედიან. პრიორიტეტების შერჩევის დროს უპირატესობა ნაკლებად ცნობილ ტურისტულ ობიექტებს მიეიჭება.

"ჩვენ გვაქვს დიდი ტურისტული პოტენციალი, თუმცა ამის მცირედ ნაწილსაც კი ვერ ვიყენებთ, რისთვისაც საჭიროა, როგორც მუნიციპალური, ასევე რეგიონალური ერთობლივი პროექტების განხორციელება, რათა ტურისტებს რაც შეიძლება ბევრი საინტერესო ლოკაცია შევთავაზოთ, ეს უნდა იყოს კომპაქტური და ამავდროულად კომპლექსურად მართული პროცესი, რომელიც შესაძლებლობას მოგვცემს ერთ რეგიონში მოსული ტურისტი მეორე რეგიონსაც მივაბათ და ერთობლივი ტურები შევთავაზოთ. ამისთვის საჭირო იქნება ერთობლივი ინფრასტრუქტურის მოწყობა და საერთო მარშრუტების შექმნა. მაგალითად, ტურისტები, რომლებიც პრომეთეს მღვიმეს, გორდის საზაფხულო რეზიდენციას და ოკაცეს კანიონს სტუმრობენ უნდა შემოვიდნენ მარტვილის და მიმდებარე მუნიციპალიტეტების ტურისტულ ობიექტებზე, ასევე პირიქით. უნდა არსებობდეს ბმა, რომელიც მოგვცემს საშუალებას ტურისტები ვცვალოთ და რაც შეიძლება დიდი ხანი დავაყოვნოთ ჩვენს რეგიონებში, რომ აქ ბევრი ფული დახარჯონ, რაც თავისთავად დადებითად აისახება ადგილობრივი მოსახლეობისთვის“ - აღნიშნა შეხვედრაზე სამეგრელო-ზემო სვანეთის გუბერნატორმა.



მისივე თქმით, ტობავარჩხილის ტურისტულ ლოკაციამდე მისასვლელად ტურისტებს უნდა შეეძლოთ როგორც - ჩხოროწყუდან, ასევე წალენჯიხიდან, მარტვილიდან და ხაიშიდან ჩასვლა.

შეხვედრას მარტვილის, ხონის მერები, ტურიზმის ეროვნული ადმინისტრაციის და დაცული ტერიტოორიების წარმომადგენლები.

სამეგრელო-ზემო სვანეთის გუბერნატორმა მუნიციპალიტეტების მერებს ახალი ტურისტული მარშუტების შესწავლა და დაგეგმვა თებერვალში დაავალა.

ამავე თემაზე:

ონიორეს ჩანჩქერის მიმდებარედ, შესაძლოა, ტურისტული ინფრასტრუქტურა მოეწყოს


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 16 °C
img
ფოთი 17 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.