ახალი ამბები
არაეთიკური ქცევის გამო საკრებულოს ორი წევრის გაფრთხილებას ხმაური მოჰყვა
ზუგდიდის მუნიციპალიტეტის წევრებმა სალომე ფაცაციამ და ანა წითლიძემ ეთიკის კოდექსის დარღვევისთვის გაფრთხილებები მიიღეს. საუბარია სოციალურ ქსელში მათ მიერ გაკეთებულ საჯარო კომენტარებზე, რომელიც კომისიამ ეთიკის კოდექსის დარღვევად მიიჩნია.

„მაშინ, როცა წითლიძეს აღნიშნულის შესახებ ეცნობა, მან საკრებულოს თანამშრომელს შემდეგი სიტყვებით მიმართა: ერთ ადგილას აიფარეთ ეს კოდექსიო. ეს არის არა მხოლოდ კოლეგების, არამედ საერთაშორისო ორგანიზაცია NDI-ის შეურაცხყოფაც, რომელთან ერთადაც შევიმუშავეთ ეს კოდექსი“, - აღნიშნა ზუგდიდის მუნიციპალიტეტის საკრებულოს იურიდიულ, სამანდატო და ადამიანის უფლებათა დაცვის საკითხთა კომისიის თავმჯდომარემ სანდრო სორდიამ. 

მის საპასუხოდ ანა წითლიძემ თქვა, რომ ეს გაფრთხილება სასაცილოა და თვლის, რომ ვიდეოების გაზიარება, რომლებიც „ნაციონალური მოძრაობის“ პერიოდში გახმაურებულ სისხლის სამართლებრივ საქმეებს ეხება, საკრებულოს წევრის ეკატერინე კიფაიას მხრიდან „მონობა“ იყო.

„ჩემთვის იმ საკრებულოს გადაწყვეტიელბას, რომელსაც ნოტარიუსის ფუნქცია აქვს და მხოლოდ ის ევალება, რომ ხელი აწიოს ან დაწიოს, მნიშვნელობა არ აქვს“, - დასძინა წითლიძემ.

მოგვიანებით, საკრებულოს თავმჯდომარის მოადგილემ ბესიკ ჭეჟიამ თქვა, რომ, შესაძლოა, შეცდომა ყველას მოუვიდეს, თუმცა, შემდეგ ბოდიშის მოხდა უნდა შეეძლოს, რაზეც წითლიძემ უთხრა, რომ მას საბოდიშო არაფერი აქვს.

აღნიშნულ საკითხს შელაპარაკება საკრებულოს წევრებს მამუკა ყურაშვილსა და ანა წითლიძეს შორისაც მოყვა. მას ყურაშვილმა მიმართა, რაზეც წითლიძემ უპასუხა, რომ ყურაშვილის ოჯახის წევრები საჯარო სექტორში არიან დასაქმებულები და ის ნეპოტიზმშია გარეული. ყურაშვილმა უპასუხა, რომ ისინი ადრეც იმავე ადგილას მუშაობდნენ და წითლიძეს უზრდელი უწოდა.

რაც შეეხება საკრებულოს წევრს სალომე ფაცაციას, მან გაფრთხილება მოქალაქე ეგნატე შამუგიას მიმართ შეურაცხმყოფელი გამოთქმების გამო მიიღო. სხდომაზე დეპუტატს აღნიშნულთან დაკავშირებით პრეტენზია არ გამოუთქვამს.



ზუგდიდში დეპუტატების მხრიდან ეთიკის ნორმების სავარაუდო დარღვევაზე მოკვლევა, დაახლოებით, ორი კვირის წინ დაიწყო. ზუგდიდის საკრებულომ დეპუტატების ეთიკისა და ქცევის კოდექსი და ფიცი მიმდინარე წლის მაისში დაამტკიცა. 

ამავე თემაზე:


ზუგდიდში დეპუტატების მხრიდან ეთიკის ნორმების სავარაუდო დარღვევაზე მოკვლევა დაიწყო
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 10 °C
img
ფოთი 13 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.