დე ფაქტო აფხაზეთში მიტოვებული სახლების პრობლემაზე ალაპარაკდნენ. აფხაზური მედიასაშუალებების ცნობით, “უკარფანჯრო და უსახურავო სახლების ნახვა ქალაქების ცენტრშიც შეიძლება, რაც ქალაქის იერსახეს აფუჭებს“. მედიაპორტალ „აიაირას“ ცნობით, მხოლოდ ოაჩამჩირის ცენტრში 2 ათასამდე ასეთი სახლია და მათი უმრავლესობა მესაკუთრეებს უშუალოდ ქართულ-აფხაზური კონფლიქტის შემდეგ გადაუფორმეს.

რაიონული „ადმინისტრაციის“ წარმომადგენლები მიტოვებული კარმიდამოს მეპატრონეებს მოუწოდებენ, მოაწესრიგონ მათ საკუთრებაში არსებული უძრავი ქონება. წინააღმდეგ შემთხვევაში, საქმე სასამართლოს გადაეცემა და აღნიშნულ მოქალაქეებს კერძო საკუთრება ჩამოერთმევათ.